Azərbaycan Respublikası
Təhsil Nazirliyi
Qəbələ Dövlət Peşə Təhsil Mərkəzi

Direktor

DİREKTOR

İqtİsad elmlərİ Namİzədİ Namik Muradov

Bİoqrafİya

5 yanvar 1957-ci il tarixində Qəbələ rayonunun Bum kəndində müəllim ailəsində dünyaya gəlmişdir. 1963-cü ildə Bum kənd orta məktəbin birinci sinfinə daxil olmuş, 1973-cü ildə Bakı şəhəri Respublika 1 saylı fizika-riyaziyyat təmayüllü məktəbin 10-cu sinfini bitrmişdir.

1988 - 1993-cü illərdə Rusiyada Samara Dövlət İqtisad Universitetində təhsil alaraq, iqtisadçı ixtisasına yiyələnmişdir.

2007-ci ildə Rusiya Federasiysı, Mari Dövlət Texnik Universitetində “Qloballaşma şəraitində milli iqtisadi sistemlərin rəqabət üstünlükləri” mövzusunda dissertasiya müdafiə edərək,”İqtisadi nəzəriyyə” ixtisasında “İqtisad elmləri namizədi” alimlik dərəcəsi almışdır.

Evlidir, 2 övladı var.  

Əmək fəaliyyətinə 1978-ci ildən radio cihazları tənzimləyicisi kimi başlamışdır. 1989-cu ildən idarəetmə fəaliyyəti ilə məşğuldur. Bu müddət ərzində Rusiya, Türkiyə və Azərbaycanda şöbə müdiri, koordinator, direktor müavini, direktor və baş direktor vəzifələrini icra etmişdir.

Pedaqoji fəaliyyətə 2006-cı ildən Yoşkar-Ola şəhəri, Mari Dövlət Universitetinin dosenti kimi başlamış, 2010-cu ildən 2019-cu ilə qədər Azərbaycan Dövlət İqtisad Universitetində baş müəllim vəzifələrini icra etmişdir.

2019-cu il oktyabrın 16-dan Qəbələ Dövlət Peşə Təhsil Mərkəzinin direktorudur.

Azərbaycan və rus dillərini mükəmməl bilir, türk dilində sərbəst, ingilis dilində orta səviyyədə danışır. “MS Office”, “Internet Explorer”, “Adobe Acrobat” proqramlarından istifadə edir. TS EN İSO 9001 Keyfiyyəti İdarəetmə Sisteminin baza bilikləri, sənədləşmə və daxili audit üzrə sertifikatları var. “B” kateqoriyalı sürücülük vəsiqəsi var.

 NAİLİYYƏTLƏR, TƏLTİFLƏR VƏ İCTİMAİ FƏALİYYƏT

Təhsil aldığı müddətdə yaxşı və əla qiymətlərlə oxumuş, 1973-cü ildə fizika olimpiadasının respublika səviyyəsində iştirakçısı olmuşdur. 1972-1973-cü dərs ilində Respublika 1 saylı fizika-riyaziyyat təmayüllü məktəbin şagird özünüidarəetmə qərargahının sədri olmuşdur.

2002 – 2006-cı illər Rusiya Federasiyası Avrasiya siyasi partiyasının Mari El Respublika şöbəsinin sədri oldu. 2003-cü ildə Rusiya Dövlət Dumasına deputatlığa namizəd oldu.

1998-ci ildə onun təşəbbüsü ilə Rusiya Federasiyası Mari El Respublikasında ödəniş problemlərinin aradan qaldırılması məqsədi ilə, ABŞ-ın “İTEX” və Türkiyənin “İhlas Barter” şirkətlərinin fəaliyyətinə əsaslanan yeni mərkəz - “ZAO RAKS” (Hesablaşma-Klirinq İttifaqı Qapalı Səhmdar Cəmiyyəti) yaradıldı və cəmiyyət respublikanın sosial-iqtisadi həyatında önəmli rol oynadı.

2002-ci ildə Azərbaycan dilində Ümumrusiya həftəlik “Vətən” qəzetini təsis etdi və bu qəzetin baş redaktoru oldu.

2003-cü ildə onun rəhbərliyi ilə Yoşkar-Ola şəhərinin böyük çaplı xəritəsi nəşr olundu. Bu xəritə 2004-cü ildə Yoşkar-Ola şəhərinin 10 ən yaxşı malı siyahısına düşdü.

 “Ümumdünya biznes toru. Qloballaşma və strategiya” adlı bir monoqrafiyası və 11 elmi məqaləsi Azərbaycanda və Rusiyada çap olunmuşdur.