Tədbir Mərkəzin Azərbaycan dili və Ədəbiyyat müəllimi Fatimə Tağıyeva tərəfindən təşkil edilib. Tədbirin məqsədi cəmiyyət həyatında etik qaydalar olaraq nələrə diqqət etmək lazım olunması haqqında tədbir iştirakçılarını maarifləndirməkdir. Gənclərimiz üçün bu cür tədbirlərin böyük əhəmiyyəti var, çünki Azərbaycan gəncliyi milli-mənəvi dəyərlər ruhunda böyüməlidir.
Tədbirdə çıxış edənlər bildiriblər ki, insanın davranışı və danışığı onun mədəniyyətinin göstəricisidir. Davranış və nəzakət qaydalarına riayət etmək, digər insanlara hörmət etmək deməkdir. Bu, onların duyğularına qiymət verməyiniz mənasına gəlir.
Tədbirin gedişində tələbələr tərəfindən dahi Azərbaycan klassiklərinin etik normalar barəsində fikirləri dinlənilib, düzgün davranış qaydaları haqqında video-çarxlar izlənilib.
