Mərkəzin “Aşpaz” ixtisasının istehsalat təlim ustası Abduxalıqov Azər tərəfindən “İctimai iaşə müəssisələrində işlədilən alətlər, ləvazimatlar, elektrik avadanlıqları və onlarla işləyərkən təhlükəsizlik texnikası qaydaları” mövzusunda Açıq Dərs keçirilib.
Açıq dərs zamanı tələbələr Mərkəz yeməkxanasında və laboratoriyasında tətbiq olunan alət və avadanlıqlarla tanış olub, onların istismarı, təhlükəsizlik qaydaları izah olunub. Əvvəlcə Azərbaycan Respublikasının Əmək Məcəlləsi üzrə təhlükəsizlik qaydaları barədə ətraflı məlumat verilib, ictimai iaşə müəssisələrindəki səyyar avadanlıqların iş prinsipləri, təhlükəsiz iş şəraitinin yaradılmasının vacibliyi qeyd olunub. Daha sonra plakatlardakı mövzularla tələbələr tanış edilib.
Sonda Mərkəzin tələbələri tərəfindən Türk iş adamı Sakip Sabancının sağlamlıq haqqında dediyi fikirləri səsləndirilib və tələbələr arasında qiymətləndirilmə aparılıb.
