Qəbələ Dövlət Peşə Təhsil Mərkəzinin Almaniya Təcrübə Proqramında iştirak edən tələbələri ilə Mərkəz rəhbərliyinin onlayn görüşü baş tutmuşdur

Görüş zamanı tələbələr öz xoş təəssüratlarını bölüşərək, gördükləri işlər haqqında ümumi məlumat vermişlər.

Mərkəzin rəhbərliyi tərəfindən tələbələrin istehsalat təcrübə proqramı, proqram çərçivəsində həyata keçirilən fəaliyyətlər haqqında müzakirələr aparılmış, tövsiyyə və təlimatlar verilmişdir.

Qeyd edək ki, Qəbələ Dövlət Peşə Təhsil Mərkəzinin tələbələri Almaniyada beynəlxalq təcrübə proqramında iştirak hüququ qazanaraq, artlq təcrübəyə başlamışlar.

Peşə Təhsili üzrə Dövlət Agentliyi, Almaniya Sparkassenstiftung Fondu və Agri Kontakte təşkilatının birgə əməkdaşlığı çərçivəsində Qəbələ Dövlət Peşə Təhsil Mərkəzi və Bərdə Peşə Liseyinin bir qrup tələbəsi “Almaniyada Beynəlxalq Kənd Təsərrüfatı Təcrübə Proqramında” iştirak edirlər.

Təcrübə proqramının əsas məqsədi Almaniya və tərəfdaş ölkələr arasında ikitərəfli əlaqələrin inkişafı, eyni zamanda Azərbaycanda kənd təsərrüfatı sahəsinin inkişafına töhfə verməkdən ibarətdir.