Author: Rufanə Yaralıyeva

Azərbaycan Respublikası Dövlət Miqrasiya Xidməti Şəki Regional Miqrasiya İdarəsi tərəfindən Qəbələ Dövlət Peşə Təhsil Mərkəzində Azərbaycan Respublikası Prezidentinin sərəncamına əsasən 2023-cü il “Heydər Əliyev” ili elan olunması ilə əlaqədar olaraq “Ümummilli lider Heydər Əliyevin həyat yolunun və siyasi irsinin tanıdılması” mövzusunda tədbir təşkil olunub.

Tədbirdə Regional idarənin məsul əməkdaşları, QDPTM-nin pedaqoji heyəti və tələbələri iştirak ediblər.

Tədbir Ümummilli lider Heydər Əliyevin və Vətənin bütövlüyü uğrunda canından keçmiş şəhidlərimizin xatirəsinin bir dəqiqəlik sükutla yad edilməsi ilə başlanılıb.

Tədbirdə çıxış edənlər ilk öncə ulu Öndər Heydər Əliyevin yaşadığı mənalı və kamil ömür yolundan, xalq və dövlətçiliyimiz uğrunda apardığı mübarizəsi haqqında ətraflı danışmış və əcnəbi və vətəndaşlığı olmayan şəxslərin AR ərazisində qeydiyyat qaydaları barəsində məlumatlar vermişdirlər. Daha sonra DMX-nin yaranması, fəaliyyətləri, qanunvericiliyi, könüllülük fəaliyyəti barədə məlumatları tədbir iştirakçılarının diqqətinə çatdırmışdır.

İnteraktiv keçən tədbirdə tələbələrin sualları cavablandırılmışdır.

25 may 2023-cü il tarixində Qəbələ Dövlət Peşə Təhsil Mərkəzində “Zəfər” Şəhid Ailələrinə Dəstək İctimai Birliyi tərəfindən Vətən Müharibəsində şəhid olmuş, Vətən Müharibəsi Qəhrəmanı polkovnik-leytenant Əfqan Abdurrahmanovun xatirəsinə həsr olunmuş “Vətən sevdalısı” kitabının təqdimat mərasimi keçirilib.

Rayon icra hakimiyyətinin, idarə və təşkilatların nümayəndələrinin, Vətən Müharibəsi şəhidlərinin ailə üzvlərinin, qazi və müharibə iştirakçılarının, Əfqan Abdurrahmanovun ailə üzvləri, döyüş yoldaşları, təhsil aldığı və adını daşıdığı məktəbin müəllim kollektivinin iştirak etdiyi tədbir Azərbaycan Respublikasının Dövlət Himninin səslənməsi ilə başlamış, şəhidlərin xatirəsi 1 dəqiqəlik sükutla yad edilmişdir.

Tədbirin keçirilməsində məqsəd vətən uğrunda canından keçən şəhidlərin xatirəsini daim yaşatmaq və əbədiləşdirməkdir. Tədbirdə çıxış edənlər Əfqan Abdurrahmanovun qəhrəmanlıqlarından bəhs etmiş, onunla bağlı xatirələrini danışmış, kitab haqqında öz təəsüratlarını söyləmişlər. Şəhidin ailə üzvləri onlara göstərilən diqqət və qayğıya görə ölkə rəhbərliyinə minnətdarlıqlarını bildirmişlər.

Sonda Əfqan Abdurrahmanovun həyat yolunu əks etdirən film təqdim edilmiş və şəhidin adını daşıyan Qəbələ şəhər 3 saylı tam orta məktəbin şagirdləri tərəfindən şeirlər səsləndirilmişdir.

Qəbələ Dövlət Peşə Təhsil Mərkəzinin əməkdaşları tərəfindən Qəbələ rayon Mirzəbəyli, Qaradeyn, Kürd, Savalan, Həmzəlli, Tikanlı, Bayramkoxa, Mamaylı, Seyidqışlaq, Bunud, Məmmədağalı, Qəmərvan, Zarağan kəndlərində və Bum qəsəbəsində yerləşən məktəblərin şagirdlərinə peşəyönümü işlə bağlı maarifləndirici görüş keçirilib.

Tədbirdə Qəbələ Dövlət Peşə Təhsil Mərkəzinin fəaliyyəti, emalatxanalar, dəzgahlar, sinif otaqları, işəgötürən müəssisələrlə uğurlu əməkdaşlıq, həmçinin Mərkəzin fəaliyyəti istiqamətində qardaş Türkiyənin təcrübəsinin öyrənilməsi və tətbiqi istiqamətlərində və tələbələrimizin “Almaniyada Beynəlxalq Kənd Təsərrüfatı Təcrübə Proqramında” iştirak edə bilməsi haqqında geniş məlumat verilib.

Daha sonra “Peşə seçimi və karyera” mövzusunda təlim təşkil edilib. Təlimdə Peşə təhsili, peşə təhsilinin zəruriliyi, şagirdlərin düzgün peşə seçiminin əhəmiyyəti, peşə təhsilinin perspektivləri, qəbul prosesi, ixtisaslar və gələcək iş imkanları və s. haqqında ətraflı məlumat verilib.

Sonda şagirdlərinin sualları cavablandırılıb.

Qeyd edək ki, Peşə Təhsili üzrə Dövlət Agentliyi və Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin birgə əməkdaşlığı çərçivəsində 2023-cü ilin fevral ayından etibarən Qəbələ Dövlət Peşə Təhsil Mərkəzində 3 aylıq “Elektrik-qaz qaynaqçısı” ixtisası üzrə qısamüddətli təlim başlanmışdır. Peşə hazırlığı kurslarına yalnız Dövlət Məşğulluq Agentliyində işsiz kimi qeydiyyatda olan şəxslər müraciət etmişlər. Təlimlərə 15 nəfər müdavim cəlb edilmişdir. Təlim 320 saat olmaqla 12 həftə müddətində davam etmişdir.

Kursların təliminin nəzəri hissəsi Qəbələ Dövlət Peşə Təhsil Mərkəzində, praktik hissəsi isə Qəbələ Konserv Zavodunda real iş şəraitində keçirilib. Yenidənhazırlanma kursunun müdavimləri “Avtoyükləyici maşınlar”ın quruluşu və təhlükəsiz istismarı üzrə biliklərini artırmış və praktik bacarıqlarını təkmilləşdirmişlər.

Kursun sonunda nəzəri biliklərin və praktik bacarıqların yoxlanılması məqsədilə imtahanlar keçirilib.

Müdavimlərə kursu bitirmələri haqqında sertifikatlar təqdim olunub.

Kursu bitirən və sertifikat əldə edən hər bir müdavim Qəbələ Konserv Zavodu və Qəbələ İnşaat MMC-də işlə təmin olunublar.

Açıq qapı – infotur zamanı qonaqlara Qəbələ Dövlət Peşə Təhsil Mərkəzinin fəaliyyəti, həyata keçirilən layihələr, işəgötürənlərlə əməkdaşlıq istiqamətində geniş təqdimat edilib.

Qəbələ Dövlət Peşə Təhsil Mərkəzinin mühəndis-pedoqoji heyəti tərəfindən həyata keçirilən master-klasslarda iştirak edən qonaqlar, “Turizm sahəsində iaşə üzrə mütəxəssis”, “Aşpaz”, “Qənnadçı-şirniyyatçı”, “Mehmanxana və Restoran işinin təşkili və idarə edilməsi”, “Dərzi”, “Xalçaçı” “Dülgər”, “Qaynaqçı” və digər ixtisaslar üzrə ətraflı tanış olublar.

Sahibkarlar Qəbələ Dövlət Peşə Təhsil Mərkəzinin maddi-texniki bazası ilə tanış olmuş, emalatxanalara, dəzgahlara, sinif otaqlarına, Mərkəzin üzümçülük ixtisası üzrə təcrübə sahəsinə, ümumilikdə Mərkəzin ərazisinə baxış keçirmişlər.

Qonaqlar açıq qapı – infotur iştiraklarından məmnunluqlarını bildirmiş, Qəbələ Dövlət Peşə Təhsil Mərkəzində yaradılmış yüksək şərait, biznes müəssisələrilə əməkdaşlığın stimullaşdırılması, uğurlu əməkdaşlıq mühitinin formalaşdırılması, ixtisaslı kadrların hazırlanması və iqtisadiyyatın inkişafına töhvə verilməsi, ictimaiyyətin peşə təhsili haqda məlumatlanmasında belə tədbirlərin zəruriliyi ifadə etmişlər.

Təşəbbüs Avropa İttifaqı tərəfindən maliyyələşdirilən Şərq Tərəfdaşlığı Vətəndaş Cəmiyyəti Təqaüd proqramı (Eastern Partnership Civil Society Facility) çərçivəsində həyata keçirilir.

Təhsil sahəsində ixtisaslaşan Education HUB tərəfindən Peşə Təhsili üzrə Dövlət Agentliyi ilə əməkdaşlıqda 2023-cü ilin fevral-sentyabr aylarında Qəbələ Dövlət Peşə Təhsil Mərkəzi və İsmayıllı Dövlət Peşə Təhsil Mərkəzində “Ucqar bölgələrdə incəsənət alətlərinin tətbiqinin inkişaf etdirilməsi” təşəbbüsü həyata keçirilir.

13 may tarixində həyata keçirilən təlimdə Qəbələ və İsmayıllı DPTM tələbələri bir araya gələrək növbəti 3 ay ərzində həyata keçirəcəkləri layihə ideayalarının üzərində işləyərək təşəbbüs qruplarını formalaşdırıblar. Təlimçi Gülnara İsmailova onlarla müxtəlif bölgələrdə həyata keçirilən sosial layihə nümunələrini paylaşaraq layihə ideyalarının daha da təkmilləşdirilməsində dəstək göstərib. Bundan əlavə iştirakçılar qruplar şəklində icmalarında müxtəlif mövzularda onları narahat edən problemləri müəyyən ediblər. Təlim məkanın möhtəşəmliyi, həyata keçirilən fəaliyyətlərin rəngarəngliyi iştirakçılar tərəfindən böyük maraqla qarşılanıb.

Təşəbbüsün əsas məqsədi gəncləri layihələrin idarəolunmasına hazırlamaq və icma layihələri konsepsiyalarının öyrədilməsi, həmçinin incəsənət vasitələrindən istifadə etməklə sosial layihə idarəçiliyinə hazırlamaqdır.

Qəbələ Dövlət Peşə Təhsil Mərkəzinin “Baytarlıq və heyvandarlıq işi” ixtisasının tələbələri ixtisas fənn müəllimi Nigar Abbasovanın koordinasiyası ilə Azerbaijan Poultry Company, Mərcan broyler-ə səfər etmişlər.

Səfərin proqramı şirkətlə razılaşdırılmış, müəssisə ilə Qəbələ Dövlət Peşə Təhsil Mərkəzi arasında qarşılıqlı memorandumun imzalanması həyata keçirilmişdir.

Tələbələr təsərrüfatda toyuqların yetişdirilməsi, ət emalı müəssisəsi, laboratoriyalar və digər infrastrukturla ətraflı tanış olmuşlar.

Qəbələ Dövlət Peşə Təhsil Mərkəzinin əməkdaşları tərəfindən Qəbələ rayon Çarxana, Hacıalılı, Daşlıca, Kiçik Əmili, Zalam, Yenikənd, Əmirvan, Cığatelli, Xırxatala, Yemişanlı, Mıxlıqovaq, Kötüklü, Uludaş və Nohurqışlaq kəndlərində yerləşən məktəblərin şagirdlərinə peşəyönümü işlə bağlı maarifləndirici görüş keçirilib.

Tədbirdə Qəbələ Dövlət Peşə Təhsil Mərkəzinin fəaliyyəti, emalatxanalar, dəzgahlar, sinif otaqları, işəgötürən müəssisələrlə uğurlu əməkdaşlıq, həmçinin Mərkəzin fəaliyyəti istiqamətində qardaş Türkiyənin təcrübəsinin öyrənilməsi və tətbiqi istiqamətlərində və tələbələrimizin “Almaniyada Beynəlxalq Kənd Təsərrüfatı Təcrübə Proqramında” iştirak edə bilməsi haqqında geniş məlumat verilib.

Daha sonra “Peşə seçimi və karyera” mövzusunda təlim təşkil edilib. Təlimdə Peşə təhsili, peşə təhsilinin zəruriliyi, şagirdlərin düzgün peşə seçiminin əhəmiyyəti, peşə təhsilinin perspektivləri, qəbul prosesi, ixtisaslar və gələcək iş imkanları və s. haqqında ətraflı məlumat verilib.

Sonda şagirdlərinin sualları cavablandırılıb.