Azərbaycan Respublikasının Prezidenti İlham Əliyevin doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi, ali təhsil müəssisələrində təqaüd sisteminin təkmilləşdirilməsi ilə bağlı əlavə tədbirlər barədə imzaladığı sərəncamlar, ölkədə elmə və təhsilə verilən dəyərin bariz nümunəsidir.
Peşə təhsil müəssisələrində təhsil alan gənclərimiz bu dəstək, stimullaşdırıcı tədbirlərdən ruhlanaraq ölkəmiz üçün layiqli peşə sahibləri kimi yetişəcək, eyni zamanda peşə ixtisaslarının arxasınca gedənlərin sayı daha da artacaqdır.
Azərbaycan Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin maliyyə dəstəyi ilə “Kənd Qadınlarına Qayğı” İctimai Birliyinin və Qəbələ Dövlət Peşə Təhsil Təhsil Mərkəzində yaradılmış “Günərzi Qayğı Mərkəzi”nin uşaqları üçün “Yeni il”ə həsr olunmuş tədbir keçirilib.
Tədbirdə Sosial Xidmətlər Agentliyinin layihə rəhbəri Habil Niftalı və Uşaq və Ailələrə dəstək Mərkəzinin işçiləri qonaq olmuşdur.
Qəbələ Dövlət Peşə Təhsil Mərkəzinin ” Dayə” ixtisasında təhsil alan tələbələri tədbirdə Yeni ilə aid aksesuarların hazırlanmasında və uşaqların əyləndirilməsində yaxından iştirak etmişdirlər.
Tədbirdə uşaqlar tərəfindən mahnılar, şeirlər söylənmiş, rəqs edilmiş və onların iştirakı ilə “Turp” nağılı səhnələşdirilmişdir.
Tədbir “Günərzi Qayğı Mərkəzi”nin uşaqları tərəfindən böyük sevinc və alqışlarla izlənilib.
Layihə çərçivəsində həyata keçirilən bütün mərhələləri uğurla başa vuran Qəbələ Dövlət Peşə Təhsil Mərkəzinin məzunları seçdikləri fəaliyyət sahəsi üzrə Dövlət Məşğulluq Agentliyi tərəfindən müvafiq avadanlıqlarla təmin edilmişdir. Aktivlərin verilməsi növbəti təqvim ilinin ilk aylarında davam etdiriləcək.
Qeyd edək ki, “Gənclərin biznes emalatxanası” layihəsinin məqsədi peşə təhsili alan gənclərin biznes bacarıqlarının inkişaf etdirilməsi və sahibkarlıq fəaliyyətinə təşviq olunması, özünüməşğulluğunun təmin edilməsi, mikro və kiçik sahibkarlar arasında peşə təhsili almış gənclərin sayının artırılması, yeni biznes təşəbbüslərinin dəstəklənməsi, peşə təhsilinə marağın artırılmasıdır.
2021-2023-cü illəri əhatə edən layihə hazırda Cəlilabad, Ağdam və Qəbələ rayonlarında həyata keçirilir. Layihə dərzi, bitkiçilik və heyvandarlıq, xalçaçılıq, aqrotexniki xidmətlər, dülgər, çilingər, aşpaz, şirniyyatçı, turizm və qaynaqçı kimi sahələri əhatə edir. Biznes və peşə təlimlərini uğurla başa vuran gənclər seçdikləri fəaliyyət sahəsi üzrə müvafiq avadanlıqlarla təmin olunacaqlar.
Qəbələ Dövlət Peşə Təhsil Mərkəzində Azərbaycan Respublikasının Elm və Təhsil Nazirliyinin Təhsildə İnkişaf İnnovasiyalar üzrə 6-ci qrant müsabiqəsinin “Qur, et, sahib ol” layihəsi çərçivəsində Oğuz rayon Calud kənd tam orta məktəbi üçün infotur həyata keçirilib.
İnfotur iştitakçıları Mərkəzin emalatxanaları, dəzgahları, sinif otaqları , ümumi olaraq Mərkəzin ərazisi ilə tanış olublar, tələbələrin əl işlərindən ibarət sərgiyə baxış keçirilib, master-klasslarda iştirak ediblər. Daha sonra çay süfrəsi arxasında səmimi söhbət aparılıb.
Qonaqlar infoturda iştiraklarından məmnunluqlarını, peşə təhsilinə olan maraqlarını, Qəbələ Dövlət Peşə Təhsil Mərkəzində yaradılmış yüksək şərait, ictimaiyyətin peşə təhsili haqqında məlumatlandırılmasında belə tədbirlərin zəruriliyini ifadə ediblər.
Qəbələ Dövlət Peşə Təhsil Mərkəzində Azərbaycan Respublikasının Elm və Təhsil Nazirliyinin Təhsildə İnkişaf İnnovasiyalar üzrə 6-ci qrant müsabiqəsinin “Qur, et, sahib ol” layihəsi çərçivəsində Oğuz şəhər 2 №-li tam orta məktəb-liseyi və Oğuz rayon Bayan kənd tam orta məktəbi üçün infotur həyata keçirilib.
İnfotur iştitakçıları Mərkəzin emalatxanaları, dəzgahları, sinif otaqları , ümumi olaraq Mərkəzin ərazisi ilə tanış olublar, tələbələrin əl işlərindən ibarət sərgiyə baxış keçirilib, master-klasslarda iştirak ediblər. Daha sonra çay süfrəsi arxasında səmimi söhbət aparılıb.
Qonaqlar infoturda iştiraklarından məmnunluqlarını, peşə təhsilinə olan maraqlarını, Qəbələ Dövlət Peşə Təhsil Mərkəzində yaradılmış yüksək şərait, ictimaiyyətin peşə təhsili haqqında məlumatlandırılmasında belə tədbirlərin zəruriliyini ifadə ediblər.
