Seçilmiş kənd təsərrüfatı üzrə təhsil alan tələbələr 8 ay müddətində Cənubi Almanyada ailə təsərrüfatlarında işləmək və yaşamaqla təcrübə keçəcəklər.
Qəbələ Dövlət Peşə Təhsil Mərkəzi və İsmayıllı Dövlət Peşə Təhsil Mərkəzindən bu layihə üzrə seçilmiş tələbələrə, “Fermer biznes oyunu” adlı təlimlər keçirilir.
Təlimlər 4 gün davam edəcək və “Təsərrüfatın davamlı İdarəedilməsi” təlimi ilə yekunlaşacaqdır.
Qəbələ Dövlət Peşə Təhsil Mərkəzi tərəfindən “PEŞƏKAR” maarifləndirici YouTube kanalı fəaliyyətə başlamışdır.
Qəbələ Dövlət Peşə Təhsil Mərkəzinin direktoru Qalib Nəbiyev, “PEŞƏKAR” maarifləndirici YouTube kanalı vasitəsilə, peşə təhsilinə təşviqin artırılması, bu sahədə cəmiyyətin maarifləndirilməsi, maraqlı layihə və platformalarla çıxış imkanlarının zəruriliyini bildirmişdir.
Layihədə Qəbələ Dövlət Peşə Təhsil Mərkəzinin müəllimləri və tələbələri, Qəbələ UADM-in işçiləri iştirak ediblər.
Layihənin keçirilməsində məqsəd “3 dekabr Beynəlxalq Əlillər Günü” münasibəti ilə əlilliyi olan şəxslərin ailələrini ziyarət etmək olub.
Səfər zamanı dövlətimiz tərəfindən sağlamlıq imkanları məhdud insanlara göstərilən diqqət və qayğıdan danışılıb.
Layihə çərçivəsində tənha, əlil, şəhid atası Ağayev Çingiz Tapdıq oğluna və əlil şəhid atası Eyyubov Yusif Seyid oğluna ev və təsərrüfat işlərində köməklik göstərilib.
Sonra əlilliyi olan mərkəz xidmətlərindən bəhrələnən, eləcə də sağlamlıq imkanları məhdud olan uşaqlara “3 dekabr Beynəlxalq Əlillər Günü” münasibəti ilə hədiyyələr təqdim edilib.
Qəbələ Dövlət Peşə Təhsil Mərkəzində müasir dövrün, bəşəriyyətin ən qlobal problemlərindən biri olan sağlamlığa geri dönüşü olmayan, bu gün əfsuslar olsun ki, gənclərimizin böyük bir qismini öz təsiri altına almış tütün məhsulları və onların törətdiyi bəlalar haqqında tələbələrin maarifləndirilməsi üçün “Siqaretə yox deyək” adlı tədbir keçirilmişdir.
Tədbirin təşkilində mərkəzin istehsalat təlim ustalarından Məmmədova Nigar, Çələbizadə Turanə, Cavadlı Xədicə və Mehmanxana və Restoran işinin təşkili və idarə edilməsi ixtisasında təhsil alan Qarayev Müşviqin böyük rolu olmuşdur.
Tədbirdə çıxış edənlər tələbələri sağlam gələcək naminə siqaretlə, tütün məhsulları ilə mübarizəyə səsləyir və onları bu maarifləndirmə hərəkatının öncülləri olaraq görmək istədiklərini bildirmişlər. Hər bir gənc ilk növbədə ətrafından başlayaraq tütün məhsullarına qarşı mübarizə aparmalıdır. Bu zərərli vərdişə insanlar adətən gənc yaşlarda başlayır və bir çox hallarda ondan bir daha xilas ola bilmirlər. Siqaretin dəhşətli zərərli təsirləri, ondan xilas olmanın heç zaman gec olmaması barədə, Azərbaycanda xüsusilə gənclər arasında siqaretdən istifadə hallarının artmasının hamını ciddi narahat etməsini dönə-dönə vurğulamışlar.
Gənclərin tütün məhsulları, narkomaniya, alkoqolizm kimi zərərli vərdişlərə tutulmamasına çalışmalıyıq.
Tədbir payız fəslinə aid Kukla teatrı ilə başlamışdır. Sonra uşaqlar tərəfindən şeirlər, mahnılar söylənilmişdir. Bununla yanaşı maraqlı səhnəciklər və “çətir” rəqsi nümayiş etdirmişlər.
Tədbirin təşkilində Qəbələ Dövlət Peşə Təhsil Mərkəzinin “Dayə” ixtisasının tələbələri payız fəslinə aid aksesuarlar hazırlamış və Kukla teatrının təşkilində yaxından iştirak etmişdir.
Tədbir “Günərzi Qayğı Mərkəzi”nin uşaqları tərəfindən böyük sevinc və alqışlarla izlənilmişdir.
Tələbələrimiz dərsdən sonra Mərkəzin idman zalında məşqlər edir, meydançada müxtəlif oyunlar oynayır, kino, sənədli filmlərə baxır, tədrisdən kənar boş vaxtlarında öz hobbiləri ilə məşğul olurlar.
Həmçinin Mərkəzin müəllimləri tərəfindən İKT təlimi, ingilis dilində “Danışıq klubları” təşkil olunmuşdur.
Bütün bunlar yataqxana sakinlərinin bir ailə kimi inteqrasiyasına, asudə vaxtlarını mənalı keçirmələrinə, pis vərdişlərdən uzaq olmalarlna, təlim və tədrisdə yüksək nailiyyətlər əldə etmələrinə imkan yaradır.
Azərbaycan Respublikasının Prezidentinin “Əhməd Cavadın anadan olmasının 130-cu illiyinin qeyd edilməsi haqqında” 20 aprel 2022-ci il tarixli 3222 nömrəli Sərəncamı ilə bağlı Elm və Təhsil Nazirliyi tərəfindən hazırlanan Tədbirlər Planının icrasının təmin edilməsi məqsədilə Mərkəzin Tarix müəllimi Məmmədova Səbinə tərəfindən “Mehmanxana və restoran işinin təşkili və idarə edilməsi” ixtisasında təhsil alan tələbələrə keçirilən Açıq dərs Azərbaycan Respublikasının dövlət himninin səslənməsi ilə başlamışdır.
Dərs zamanı Əhməd Cavadın Azərbaycan ədəbi-bədii fikri tarixində istiqlal şairi kimi özünə məxsus dəst-xətti ilə seçilməsindən, müstəsna mövqeyə malik söz ustalarından biri olmasından ətraflı danışılmışdır.
Tələbələrə təqdimatlar, video-çarxlar nümayiş etdirilərək Əhməd Cavadın bütün qəlbi ilə bağlı olduğu doğma xalqının müstəqillik ideallarına həyatı boyu sadiq qalmış sənətkarın azadlıq motivləri ilə zəngin yaradıcılığı haqqında məlumatlar verilmişdir.