Category: Uncategorized

Qəbələ Dövlət Peşə Təhsil Mərkəzində Qəbələ rayon Vəndam qəsəbə 1 saylı tam orta məktəbin Peşə Təmayüllü sinifinin 2022/2023-cü tədris ilinin məzunlarına, İT və qənnadçı-şirniyyatçı ixtisasları üzrə imtahandan uğurla keçdikləri üçün sertifikatlar təqdim edilmişdir.

Qeyd edək ki, “Peşə Təmayüllü Siniflərin Təşkili” layihəsi Respublikamızda 2019-cu ildən həyata keçirilir. Qəbələ rayonunda isə bu layihə 2021-ci ildən fəaliyyətə başlayıb. Layihənin yaradılmasında məqsəd ümumi orta təhsil bazasında təhsilalanların müxtəlif peşələr üzrə təhsil, bilik və bacarıqlara yiyələnməsini təmin etmək, həmçinin peşə ixtisasları barədə təhsilalanları məlumatlandırmaqla onları əmək bazarına, eləcə də peşə təhsilinə hazırlamaqdır.

Mərkəzin direktoru Qalib Nəbiyev tədbir iştirakçılarını salamlayaraq, Təhsil Müəssisəsinin uğurlarından, yeni əməkdaşlıq və layihələr barədə məlumat vermiş, məzunları tədris ilini uğurla başa vurmaları və diplom almaları münasibətilə təbrik edib.

Qonaqlar arasında Qəbələ Rayon Təhsil Sektorunun müdiri, YAP Qəbələ Rayon Təşkilatı sədri, Qəbələ “ASAN xidmət” mərkəzinin direktoru, “Qəbələ Konserv Zavodu” MMC-nin direktoru, Qəbələ Garden Hotel, “Gilan – Qəbələ Aqrotexservis “ASC, Qəbələ City Hotel, Qəbələ Dövlət Tarix – Bədii Qoruğu, “Şimal-Qərb RETSİ”-nin Qəbələ Elektrik Şəbəkəsi, İkinci Nəfəs Psixologiya Mərkəzi, Gilan Qəbələ Yeyinti Məhsulları İstehsalı ASC rəhbərləri, valideynlər iştirak ediblər.

Diplom təqdimetmə mərasimində çıxış edənlər məzunları təbrik edərək, onlara gələcək həyat fəaliyyətlərində uğurlar arzulayıb, tövsiyyələrini vermişlər.

Qəbələ Dövlət Peşə Təhsil Mərkəzinin inkişafına, peşə təhsili sahəsinə verdiyi dəstəyə görə əməkdaşlıq etdiyimiz işəgötürən təşkilatlara Təhsil Mərkəzinin rəhbərliyi tərəfindən təşəkkürnamə yazılmış plaketlər təqdim edilmişdir.

Təhsil Mərkəzinin Mühəndis-pedoqoji, inzibati heyətinin bir qrup nümayəndələrinə işlərində göstərdikləri peşəkarlığa və qazandıqları uğurlara görə fəxri fərmanlar təqdim edilib və bir neçə valideynə övladlarının nümunəvi fəaliyyətlərinə görə təşəkkürnamələr verilib.

Qeyd edək ki, 2022-2023-cü tədris ilində 21 ixtisas üzrə 31 qrupdan 403 tələbə məzun olmuşdur.

Məzunlarımızı bir daha təbrik edir, onlara Vətənə, dövlətçiliyimizə, millətimizə layiqli vətəndaş olmağı arzu edir, şəxsi həyatlarında müvəffəqiyyətlər diləyirik.

Tədbir iştirakçılarına təhsil tələbə kreditinin məqsədi və növləri, tələbə kreditinə kimlərin, hansı şərtlərlə müraciət edə biləcəyi, həssas kateqoriyadan olan ailələrin övladları üçün tətbiq edilən güzəştlər haqqında ətraflı məlumat verilib. Həmçinin iştirakçıları maraqlandıran suallar geniş şərh olunub.

Təhsil sahəsində ixtisaslaşan Education HUB tərəfindən Peşə Təhsili üzrə Dövlət Agentliyi ilə əməkdaşlıqda 2023-cü ilin fevral-sentyabr aylarında Qəbələ Dövlət Peşə Təhsil Mərkəzi və İsmayıllı Dövlət Peşə Təhsil Mərkəzində “Ucqar bölgələrdə incəsənət alətlərinin tətbiqinin inkişaf etdirilməsi” təşəbbüsü həyata keçirilir.

Layihə çərçivəsində Qəbələ və İsmayıllı DPTM-dən olan təşəbbüs komandaları öz təşəbbüslərinin icrasını uğurla davam etdirirlər. İştirakçılar layihə çərçivəsində ekoloji, audio kitablar, milli dəyərlər, gənclərin asudə vaxtı, ekoloji marşrut xəttləri və s. mövzularda komandalar şəklində öz təşəbbüslərini həyata keçirirlər. Təşəbbüslər çərçivəsində komandalar Qəbələ və İsmayıllının müxtəlif məkanlarına səfərlər ediblər. Təşəbbüslərin icrası sentyabr ayının əvvəlinə kimi davam edəcək. Sonda təşəbbüslərin nəticələrinin daha çox auditoriyaya çatdırılması üçün icma festivalı keçiriləcək.

Layihə çərçivəsində iştirakçılar ilk öncə 2 ay müddətində yumşaq bacarıqlar, icma təşəbbüslərinin idarə edilməsi, layihə idarəetməsi zamanı yaranan problemlərin həll edilməsi və s. mövzularda təlimlərdə iştirak ediblər. Daha sonra öyrəndikləri bilikləri tətbiq etməklə qruplar formalaşdıraraq öz təşəbbüslərinin icrasına başlayıblar.

Sözü gedən layihə çərçivəsində Göyçay və Qəbələ rayonundan seçilmiş 30 nəfər gənc üçün Marketinq bacarıqları, Biznesin idarə edilməsi, Maliyyə savadlılığının artırılması istiqamətlərində təlimlər keçirilmişdir. Layihənin son təlimi aqroturizm sahəsində maraqlı olan gənclər üçün Qəbələ Dövlət Peşə Təhsil Mərkəzində təşkil edilmişdir.

Təlimdə ilk öncə “Göyçay İnkişaf Mərkəzi” Gənclər İctimai Birliyinin sədri Əzizağa Atakişiyev çıxış edərək gənclərə layihə haqqında ətraflı məlumat verdi. Daha sonra təlimçi Coşqun İsmayılov tərəfindən gənclərə Aqroturizm, Marketinq, Biznesin idarə edilməsi, Maliyyə savadlılığının artırılması istiqamətlərində, eləcədə aqroturizm subyektlərinin qurulması haqqında ətraflı məlumatlar verildi və müxtəlif simulyasiya oyunlar oynanıldı. Təlimin sonunda iştirak edən gənclərə sertifikatlar təqdim edildi.

Qeyd edək ki, layihənin əsas məqsədi Aqroturizmdə gənclərin və yetkin insanların məşğulluğunu və sahibkarlıq bacarıqlarını karyera vasitəsilə inkişaf etdirmək və aqroturizm istiqamətində müxtəlif fəaliyyətlərə təşviq etmək idi. Layihə çərçivəsində həmçinin Göyçay rayonunda “Aqroturizm və sosial sahibkarlıq” festivalı təşkil edilmişdir.

Mərkəzin direktoru təqaüd yaşı çatan Mərkəzin baş ustası Səlim Mehdiyev, fiziki tərbiyə rəhbəri Mabit Əzimov, İstehsalat təlim ustası Məmmədşah Şahverdiyevin uğurlu fəaliyyətləri, peşə təhsilində təcrübələri, Mərkəzin bütün fəaliyyətlərində töhvə verdiklərini diqqətə çatdırıb.

Qəbələ Dövlət Peşə Təhsil Mərkəzinin təqaüdə çıxan əməkdaşları Mərkəzinin inkişafında göstərdiyi xidmətlərə, peşə təhsili sahəsinə verdiyi tövhəyə görə təşəkkürnamə ilə təltif edilib və hədiyyələr təqdim edilib.

Daha sonra Mərkəzin təltif olunan müəllimləri çıxış edərək, rəhbərlik tərəfindən göstərilən diqqət və qayğıya görə oz təşəkkürlərini bildiriblər.

Bu müddət ərzində Azərbaycanda ilk dəfə təşkil olunan xüsusi qayğıya ehtiyacı olan uşaqlarla çalışacaq Kölgə Müəllimi ixtisasına yiyələnmişlər. Kölgə Müəllimi ixtisasının ilk məzunları bu peşənin sirrini öyrənməklə bərabər, gələcəkdə İNPM-də işlə təmin olunma şansı qazanmışlar.

Sertifikatların təqdimetmə mərasimini geniş nitqi ilə açan İNPM-nin psixoloqu Natiq Muradbəyli iştirakçıları salamlayaraq, 2 aylıq prosesin yekun nəticələri ilə iştirakçıları məlumatlandırıb. Daha sonra mərkəzin rəhbəri Sadiq müəllim iştirakçılara peşənin sirləri barədə, onlarla gələcək əməkdaşlıq haqqında məlumat verib.

Məzunların hər birinə uğurlar arzulanaraq, sertifikatlar təqdim edilib.

Tədbirin sonunda şirniyyat süfrəsi arxasında bir daha iştirakçılara həyatlarında uğurlar, Kölgə müəlliməsi olaraq övladlarımıza gələcəkdə işıq saçmaları arzulanıb.

Festivalda qonaqlara Mərkəzimizdə aqrar və iqtisadiyyatın digər sahələri istiqamətində təhsil alan tələbələrin əl işlərindən ibarət sərgilər, müxtəlif fəaliyyətlər nümayiş etdirilib.

Festivalda Azərbaycan Respublikasının Kənd Təsərrüfatı Nazirliyinin bütün tabeli qurumları, Peşə Təhsili üzrə Dövlət Agentliyinin tabeliyindəki bir sıra peşə təhsil müəssisələri, 80-dən çox yerli və xarici şirkət, həmçinin müxtəlif layihə və startaplar iştirak edib. Təşəbbüsün əsas məqsədi Azərbaycanda kənd təsərrüfatı sahəsinin inkişafına töhfə vermək, kənd təsərrüfatı sektoru ilə peşə təhsil pilləsi arasında mövcud əlaqələrin gücləndirilməsidir.

Qəbələ Dövlət Peşə Təhsil Mərkəzində “Aspaz”, “Bitkiçilik mütəxəssisi”, “Geniş profilli traktorçu-maşinist, temirçi-çilingər, “Aqroservis mütəxəssisi” qruplari uzre 61 nəfər tələbəyə tam orta təhsil haqqında sənədlər təqdim edilib.

Sənədlərin təqdim edilməsi münasibətilə keçirilən tədbirdə, Mərkəz rəhbərliyi tərəfindən məzunlara kariyeralarının formalaşması istiqamətində hər zaman əməkdaşlıq etmək tövsiyyə olunmuş, işəgötürənlərlə əlaqələrin qurulmasında davamlı informasiya mübadiləsi qurulacağı bildirilmişdir. Sonda məzunlara uğurlar arzulanmış, gənclırin peşə təhsilinə təşfiqi istiqamətində təbliğat işində birgə əməkdaşlıq tövsiyyə olunmuşdur.

Tələbələrimizə gələcək fəaliyyətlərində uğurlar arzu edirik!

Qeyd edək ki, kursun nəzəri hissəsi Qəbələ Dövlət Peşə Təhsil Mərkəzində, praktik hissəsi isə Qəbələ Konserv Zavodunda real iş şəraitində keçirilib.

Yenidənhazırlanma kursunun müdavimləri “Avtoyükləyici maşınlar”ın quruluşu və təhlükəsiz istismarı üzrə biliklərini artırmış və praktik bacarıqlarını təkmilləşdirmişlər.

Kursun sonunda nəzəri biliklərin və praktik bacarıqların yoxlanılması məqsədilə imtahanlar keçirilib.

Kursu bitirən və sertifikat əldə edən hər bir müdavim Qəbələ Konserv Zavodunda işlə təmin olunmuşlar.