Category: Uncategorized

Açıq qapı – infotur zamanı qonaqlara Qəbələ Dövlət Peşə Təhsil Mərkəzinin fəaliyyəti, həyata keçirilən layihələr, işəgötürənlərlə əməkdaşlıq istiqamətində geniş təqdimat edilib.

Qəbələ Dövlət Peşə Təhsil Mərkəzinin mühəndis-pedoqoji heyəti tərəfindən həyata keçirilən master-klasslarda iştirak edən qonaqlar, “Turizm sahəsində iaşə üzrə mütəxəssis”, “Aşpaz”, “Qənnadçı-şirniyyatçı”, “Mehmanxana və Restoran işinin təşkili və idarə edilməsi”, “Dərzi”, “Xalçaçı” “Dülgər”, “Qaynaqçı” və digər ixtisaslar üzrə ətraflı tanış olublar.

Sahibkarlar Qəbələ Dövlət Peşə Təhsil Mərkəzinin maddi-texniki bazası ilə tanış olmuş, emalatxanalara, dəzgahlara, sinif otaqlarına, Mərkəzin üzümçülük ixtisası üzrə təcrübə sahəsinə, ümumilikdə Mərkəzin ərazisinə baxış keçirmişlər.

Qonaqlar açıq qapı – infotur iştiraklarından məmnunluqlarını bildirmiş, Qəbələ Dövlət Peşə Təhsil Mərkəzində yaradılmış yüksək şərait, biznes müəssisələrilə əməkdaşlığın stimullaşdırılması, uğurlu əməkdaşlıq mühitinin formalaşdırılması, ixtisaslı kadrların hazırlanması və iqtisadiyyatın inkişafına töhvə verilməsi, ictimaiyyətin peşə təhsili haqda məlumatlanmasında belə tədbirlərin zəruriliyi ifadə etmişlər.

Təşəbbüs Avropa İttifaqı tərəfindən maliyyələşdirilən Şərq Tərəfdaşlığı Vətəndaş Cəmiyyəti Təqaüd proqramı (Eastern Partnership Civil Society Facility) çərçivəsində həyata keçirilir.

Təhsil sahəsində ixtisaslaşan Education HUB tərəfindən Peşə Təhsili üzrə Dövlət Agentliyi ilə əməkdaşlıqda 2023-cü ilin fevral-sentyabr aylarında Qəbələ Dövlət Peşə Təhsil Mərkəzi və İsmayıllı Dövlət Peşə Təhsil Mərkəzində “Ucqar bölgələrdə incəsənət alətlərinin tətbiqinin inkişaf etdirilməsi” təşəbbüsü həyata keçirilir.

13 may tarixində həyata keçirilən təlimdə Qəbələ və İsmayıllı DPTM tələbələri bir araya gələrək növbəti 3 ay ərzində həyata keçirəcəkləri layihə ideayalarının üzərində işləyərək təşəbbüs qruplarını formalaşdırıblar. Təlimçi Gülnara İsmailova onlarla müxtəlif bölgələrdə həyata keçirilən sosial layihə nümunələrini paylaşaraq layihə ideyalarının daha da təkmilləşdirilməsində dəstək göstərib. Bundan əlavə iştirakçılar qruplar şəklində icmalarında müxtəlif mövzularda onları narahat edən problemləri müəyyən ediblər. Təlim məkanın möhtəşəmliyi, həyata keçirilən fəaliyyətlərin rəngarəngliyi iştirakçılar tərəfindən böyük maraqla qarşılanıb.

Təşəbbüsün əsas məqsədi gəncləri layihələrin idarəolunmasına hazırlamaq və icma layihələri konsepsiyalarının öyrədilməsi, həmçinin incəsənət vasitələrindən istifadə etməklə sosial layihə idarəçiliyinə hazırlamaqdır.

Qəbələ Dövlət Peşə Təhsil Mərkəzinin “Baytarlıq və heyvandarlıq işi” ixtisasının tələbələri ixtisas fənn müəllimi Nigar Abbasovanın koordinasiyası ilə Azerbaijan Poultry Company, Mərcan broyler-ə səfər etmişlər.

Səfərin proqramı şirkətlə razılaşdırılmış, müəssisə ilə Qəbələ Dövlət Peşə Təhsil Mərkəzi arasında qarşılıqlı memorandumun imzalanması həyata keçirilmişdir.

Tələbələr təsərrüfatda toyuqların yetişdirilməsi, ət emalı müəssisəsi, laboratoriyalar və digər infrastrukturla ətraflı tanış olmuşlar.

Qəbələ Dövlət Peşə Təhsil Mərkəzinin əməkdaşları tərəfindən Qəbələ rayon Çarxana, Hacıalılı, Daşlıca, Kiçik Əmili, Zalam, Yenikənd, Əmirvan, Cığatelli, Xırxatala, Yemişanlı, Mıxlıqovaq, Kötüklü, Uludaş və Nohurqışlaq kəndlərində yerləşən məktəblərin şagirdlərinə peşəyönümü işlə bağlı maarifləndirici görüş keçirilib.

Tədbirdə Qəbələ Dövlət Peşə Təhsil Mərkəzinin fəaliyyəti, emalatxanalar, dəzgahlar, sinif otaqları, işəgötürən müəssisələrlə uğurlu əməkdaşlıq, həmçinin Mərkəzin fəaliyyəti istiqamətində qardaş Türkiyənin təcrübəsinin öyrənilməsi və tətbiqi istiqamətlərində və tələbələrimizin “Almaniyada Beynəlxalq Kənd Təsərrüfatı Təcrübə Proqramında” iştirak edə bilməsi haqqında geniş məlumat verilib.

Daha sonra “Peşə seçimi və karyera” mövzusunda təlim təşkil edilib. Təlimdə Peşə təhsili, peşə təhsilinin zəruriliyi, şagirdlərin düzgün peşə seçiminin əhəmiyyəti, peşə təhsilinin perspektivləri, qəbul prosesi, ixtisaslar və gələcək iş imkanları və s. haqqında ətraflı məlumat verilib.

Sonda şagirdlərinin sualları cavablandırılıb.

Heydər Əliyev Fondunun təşkilatçılığı ilə keçirilən “Bakı Marafonu-2023”də tələbələrimiz könüllü fəaliyyətləri zamanı fərqləndikləri üçün “Regional İnkişaf” İctimai Birliyi (Regional İnkişaf – RİİB) tərəfindən marafonda iştirak etmə hüququ əldə ediblər.

Həmçinin tələbələrimiz sertifikatla təltif ediliblər.

Builki marafon Ümummilli lider Heydər Əliyevin 100 illik yubileyinə həsr olunmuşdu.

II Panel Görüşündə Dövlət qurumlarının, universitet heyətlərinin, sahibkarların, mühasiblərin və İR mütəxəssislərinin iştirakı ilə mühasiblərin karyerasında mühasib peşəsinin hazırkı vəziyyəti və gələcək perspektivləri istiqamətində təqdimatlar olub və müzakirələr aparılmışdır. .

Paneldə ixtisas fənn müəllimi Rəhman Xasməmmədov “Mühasibat peşəsinin təhsildəki mövcud vəziyyəti” mövzusunda çıxış etmişdir.

Sonda tələbələrə xatirə hədiyyələri təqdim olunmuşdur.

Qəbələ Dövlət Peşə Təhsil Mərkəzinin tələbəsi Müşviq Qarayev Azərbaycan Respublikasının regionlarında və Bakı şəhərində fəaliyyət göstərən peşə və orta ixtisas təhsili müəsissələrinin şagird və tələbələri arasında Ümummilli lider Heydər Əliyevin anadan olmasının 100 illik yubileyinə həsr olunmuş “Sən elə bir zirvəsən” adlı Respublika İfa Müsabiqəsinin yekun konsertində II yerə layiq görülərək, təltif olunub.

Azərbaycan Respublikası Elm və Təhsil Nazirliyi sistemində fəaliyyət göstərən peşə və orta ixtisas təhsili müəssisələri üzrə “Sən elə bir zirvəsən” adlı respublika ifa müsabiqəsində 2800-ə yaxın tələbə iştirak edib.

Qeyd edək ki, müsabiqənin respublika mərhələsində qalibiyyət uğrunda mübarizəyə 42 peşə təhsili müəssisəsi olmaqla 147 tələbə, 42 orta ixtisas təhsili müəssisəsi olmaqla 172 tələbə qatılıb.

Müsabiqə qaliblərinin iştirakı ilə yekun konsert təqdim olunub.

Sonda müsabiqə qalibləri Elm və Təhsil Nazirliyinin fəxri fərmanları və hədiyyələri ilə təltif ediliblər.

Qəbələ Dövlət Peşə Təhsil Mərkəzinin əməkdaşları tərəfindən Qəbələ şəhərində yerləşən tam orta məktəblərin şagirdlərinə və rayonun bir sıra kəndlərində yerləşən məktəblərin şagirdlərinə peşəyönümü işlə bağlı maarifləndirici görüşlər həyata keçirilir.

Görüşlə zamanı Qəbələ Dövlət Peşə Təhsil Mərkəzinin fəaliyyəti, emalatxanalar, dəzgahlar, sinif otaqları, işəgötürən müəssisələrlə uğurlu əməkdaşlıq, həmçinin Mərkəzin fəaliyyəti istiqamətində qardaş Türkiyənin təcrübəsinin öyrənilməsi və tətbiqi istiqamətlərində və tələbələrimizin “Almaniyada Beynəlxalq Kənd Təsərrüfatı Təcrübə Proqramında” iştirak edə bilməsi haqqında geniş məlumatlar verilib.

Daha sonra “Peşə seçimi və karyera” mövzusunda təlim təşkil ediib. Təlimdə peşə təhsili, peşə təhsilinin zəruriliyi, şagirdlərin düzgün peşə seçiminin əhəmiyyəti, peşə təhsilininj perspektivləri, qəbul prosesi, ixtisaslar və gələcək iş imkanları və s. haqqında ətraflı məlumat verilib.

Sonda şagirdlərin sualları cavablandırılıb.

Qeyd edək ki, peşəyönümü təbliğatı davam edir.

Təşəbbüs Avropa İttifaqı tərəfindən maliyyələşdirilən Şərq Tərəfdaşlığı Vətəndaş Cəmiyyəti Təqaüd proqramı (Eastern Partnership Civil Society Facility) çərçivəsində həyata keçirilir.

Təhsil sahəsində ixtisaslaşan Education HUB tərəfindən Peşə Təhsili üzrə Dövlət Agentliyi ilə əməkdaşlıqda 2023-cü ilin fevral-sentyabr aylarında Qəbələ Dövlət Peşə Təhsil Mərkəzi və İsmayıllı Dövlət Peşə Təhsil Mərkəzində “Ucqar bölgələrdə incəsənət alətlərinin tətbiqinin inkişaf etdirilməsi” təşəbbüsü həyata keçirilir.

29 aprel tarixində Qəbələ DPTM-nin tələbələri üçün “Layihə, Missiya, Sloqan və Loqo” adlı növbəti təlim baş tutub. Təlim beynəlxalq təlimçi Gülnara İsmailova tərəfindən keçirilib. Təlim müddətində iştirakçılar layihə, onun növləri, layihə komandasının qurulması kimi mövzularda yeni biliklər əldə ediblər. Həmçinin təşəbbüslər üçün missiya, sloqan(şüar) və loqo seçilməsinin metodları ilə tanış olub, qrup işləri vasitəsilə məhşur şirkətlərə məxsus olana loqoların mənaları, onların sloqanları ilə tanış olublar.

Təşəbbüsün əsas məqsədi gəncləri layihələrin idarəolunmasına hazırlamaq və icma layihələri konsepsiyalarının öyrədilməsi, həmçinin incəsənət vasitələrindən istifadə etməklə sosial layihə idarəçiliyinə hazırlamaqdır.

Azərbaycan xalqının ümummilli lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimidir.

Ölkəmizi dünyada layiq olduğu mərtəbəyə öz uzaqgörənliyi, müdrikliyi, qətiyyəti, dəmir iradəsi, zəngin dövlətçilik təcrübəsi sayəsində yüksələ bilmiş dahi şəxsiyyətin dəyərli fikirləri Qəbələ Dövlət Peşə Təhsil Mərkəzinin müəllimlərinin dilindən səsləndirilib.