Category: Uncategorized

Daha sonra kollektiv Qəbələ Heydər Əliyev Mərkəzini ziyarət etmiş, Ulu Öndərin həyat və fəaliyyətindən bəhs edən təqdimatlarla tanış olmuşlar.

Heydər Əliyev Mərkəzinin əməkdaşları Xalqımızın böyük oğlu, müasir Azərbaycan dövlətinin banisi və qurucusu ulu öndər Heydər Əliyevin həyat yolundan, Vətən qarşısında tarixi xidmətləri haqqında məlumat vermişdir. Ulu Öndərin mənalı ömür yolunun hər anı, hər səhifəsi bugünkü və gələcək nəsillərə nümunə olacaq canlı və unudulmaz tarix olduğunu ziyarətçilərə bir daha xatırlatmışdır.

Qəbələ Dövlət Peşə Təhsil Mərkəzinin direktoru Qalib Nəbiyev Ulu Öndərin həyat və fəaliyyətinin araşdırılması, öyrənilməsi, təbliği, gələcək nəsillərə çatdırılması baxımından bu kimi tədbirlərin vacibliyini bildirmişdir. Q. Nəbiyev qeyd etmişdir ki, Ulu Öndər Heydər Əliyev ömrünü bütövlükdə doğma Azərbaycanımızın çiçəklənməsinə, mənsub olduğu xalqın inkişafına sərf edib, bütün varlığı ilə sevdiyi Vətənini, xalqını, onun dövlətçiliyini tarixin çox çətin sınaq və imtahanlarından böyük məharətlə çıxarmışdır.

Fləşmob Qəbələ TV tərəfindən işıqlandırılıb.

Görüş zamanı tələbələr öz xoş təəssüratlarını bölüşərək, gördükləri işlər haqqında ümumi məlumat vermişlər.

Mərkəzin rəhbərliyi tərəfindən tələbələrin istehsalat təcrübə proqramı, proqram çərçivəsində həyata keçirilən fəaliyyətlər haqqında müzakirələr aparılmış, tövsiyyə və təlimatlar verilmişdir.

Qeyd edək ki, Qəbələ Dövlət Peşə Təhsil Mərkəzinin tələbələri Almaniyada beynəlxalq təcrübə proqramında iştirak hüququ qazanaraq, artlq təcrübəyə başlamışlar.

Peşə Təhsili üzrə Dövlət Agentliyi, Almaniya Sparkassenstiftung Fondu və Agri Kontakte təşkilatının birgə əməkdaşlığı çərçivəsində Qəbələ Dövlət Peşə Təhsil Mərkəzi və Bərdə Peşə Liseyinin bir qrup tələbəsi “Almaniyada Beynəlxalq Kənd Təsərrüfatı Təcrübə Proqramında” iştirak edirlər.

Təcrübə proqramının əsas məqsədi Almaniya və tərəfdaş ölkələr arasında ikitərəfli əlaqələrin inkişafı, eyni zamanda Azərbaycanda kənd təsərrüfatı sahəsinin inkişafına töhfə verməkdən ibarətdir.

Qəbələ Dövlət Peşə Təhsil Mərkəzinin tələbələri nəzəri və istehsalat təlimini başa vurmuş və istehsalat təcrübəsinə başlamışlar.

Tələbələrimiz təcrübələrini rayonumuzda fəaliyyət göstərən və Mərkəzin tərəfdaşı olan müəssisələrdə həyata keçirirlər.

Peşə Təhsili üzrə Dövlət Agentliyinin təşəbbüsü ilə Qəbələ Dövlət Peşə Təhsil Mərkəzindən Almaniya təcrübə proqramında iştirak üçün seçilmiş tələbələr “Almaniya Təcrübə Proqramı” layihəsi çərçivəsində Alman dili kursunu, proqram öncəsi təlimləri müvəffəqiyyətlə bitirdiklərinə və Almaniyada təcrübə keçmək hüququ qazandıqlarına görə “Fəxri Fərman” ilə təltif olunmuşlar.

Görüşdə tələbələrin valideynləri də, iştirak etmişdir. Mərkəzin rəhbərliyi tələbələrə səfər öncəsi təlimatlar vermiş, Vətənimizi layiqincə təmsil etmələrini tövsiyyə etmiş və onlara yüksək məsuliyyətlə təcrübə proqramını keçməyi arzulamışlar. Valideynlər də övladlarına göstərilən bu cür etimada görə öz minnətdarlıqlarını bildirmişlər.

Qeyd edək ki, Peşə Təhsili üzrə Dövlət Agentliyinin koordinasiyası ilə Alman Əmanət Bankı Maliyyə Qrupunun nümayəndələri Qəbələ Dövlət Peşə Təhsil Mərkəzində olmuş, Alman Əmanət Bankı Maliyyə Qrupunun nümayəndələri tərəfindən Cənubi Almanyada Təcrübə keçəcək seçilmiş tələbələrə “Fermer biznes oyunu” və “Təsərrüfatın davamlı İdarəedilməsi” adlı təlimlər keçirilmişdir.

Həmin tələbələr alman dilinin mənimsənilməsi üçün onlayn olaraq təlimlərdə də iştirak etmişdir.

Tələbələrimizi bu uğurları münasibətilə təbrik edirik!

Yarmarkada işəgötürənlər tərəfindən 17 müəssisədən 207 vakansiya təqdim edilmiş, 400-dən çox vətəndaş müraciət etmişdir.

İşəgötürənlərin nümayəndələrinin də iştirak etdiyi tədbirdə vakansiyalar üzrə müraciət edən şəxslərdən CV-lər qəbul edilərək nəzərdən keçirilib. Onların həmin vakansiyalar üzrə məşğulluqlarının təmin edilməsi üçün işlərə başlanıb.

Yarmarkada həmçinin, vətəndaşlara özünüməşğulluq proqramı və peşə hazırlığı kursları barədə də məlumat verilib, aktiv məşğulluq tədbirlərindən yararlanmaq istəyən şəxslərin qeydiyyatı aparılmışdır.

Eyni zamanda əmək yarmarkasının keçirildiyi Qəbələ Dövlət Peşə Təhsil Mərkəzi barədə də Mərkəzin mütəxəssisləri tərəfindən işaxtaran vətəndaşlara peşə təhsilinin zəruriliyi, düzgün peşə seçiminin əhəmiyyəti, peşə seçimi və karyera, peşə təhsilinin perspektivləri üzrə ətraflı məlumat verilmişdir.

İşsiz və işaxtaranların münasib işlərlə təminatı məqsədi daşıyan yarmarkada eyni zamanda, iştirakçılara uyğun iş sahələrində təcrübə imkanlarının yaradılması da təmin edilmişdir.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Azərbaycan Respublikasında 2023-cü ilin “Heydər Əliyev İli” elan edilməsi haqqında” Azərbaycan Respublikası Prezidentinin 2022-ci il 29 sentyabr tarixli 3494 nömrəli Sərəncamına uyğun olaraq, bir sıra tədbirlər keçirilir. Bu tədbirlərdən biri də Qəbələ Dövlət Peşə Təhsil Mərkəzinin “Veb dizayn və proqram təminatı” (VD-401) qrupunda “Ulu öndərin 100 illiyi”nə həsr edilmiş açıq dərsin təşkili oldu.

Açıq dərs Azərbaycanın dövlət himninin səsləndirilməsi ilə başlamışdır.

Daha sonra Mərkəzin Tarix müəllimi Məleykə Rəsulova tələbələrə Ümummilli lider Heydər Əliyevin Azərbaycan tarixində rolu, dahi şəxsiyyətin həyat və fəaliyyəti haqqında danışmışdır. O, bildirmişdir ki, Azərbaycan xalqının ümummilli lideri Heydər Əliyev müasir dünya tarixində parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi yaddaşlara ömürlük həkk olmuşdur.

Həmçinin tələbələr Ulu Öndərin həyatı, apardığı islahatları, xarici siyasətinin istiqamətləri haqqında məlumatları təqdim etmişdirlər.

Heydər Əliyevin həyatını, fəaliyyətini və apardığı uğurlu siyasətini əks etdirən video-çarxlar izlənilmişdir.

Tədbirin giriş hissəsində Ümummilli Lider Heydər Əliyevin əziz xatirəsi dərin ehtiram əlaməti olaraq bir dəqiqəlik sükutla yad edilmişdir.

Tədbirə “Qəbələnin səsi” Ədəbi birliyinin üzvləri və digər Qəbələ yazarları dəvət olunmuşdurlar. Çıxış edənlər dahi şəxsiyyət Ulu Öndər Heydər Əliyev haqqında dərin hörmət və məhəbbətlə danışmış, o

Onun öz xalqını zamanın mürəkkəb tarixi-siyasi sınaqlarından uğurla çıxarmasından və ardıcıl mübarizə apararaq dövlətimizi müstəqilliyə qovuşdurmasından bəhs etmişdirlər.

Dəvət olunmuş yazarlar Ümummilli lider Heydər Əliyevə həsr olunmuş şeirlərini səsləndirmişlər.

Tələbələrin ifasında yerli şairlərin şeirlərindən ibarət ədəbi bədii kompozisiya tədbir iştirakçıları tərəfindən maraqla dinlənilmişdir.

Qəbələ Dövlət Peşə Təhsil Mərkəzinin ixtisas fənn müəllimi Qismət Məsimovun Ulu Öndərə həsr olunmuş “Azadlıq Sərkərdəsi” şeirini Sizlərlə bölüşürük.

Azadlıq Sərkərdəsi..

Vətən nədir?

Tariximdir,yurdumdur!

Çörəyimdir, torpağımdır,ordumdur!

Bu vətənin özü boyda bir ad da var,

Heydər adı!

O ürəkdir!

O dayaqdır!

O boğulan bir ulusa

həyat dolu gələcəyi nişan verən bir mayakdır!

..

Hər şey keçər,

Hər şey bitər,

Hər sevginin sonu gələr!

Bu millətin ruhundakı

Heydər adı itə bilməz!

Bu qurtuluş sərkərinin,

Bu azadlıq rəhbərinin

Ürəklərdən keçən yolu bitə bilməz!

..

İndi ruhun şad olsun,şad,

Odlar yurdun çicək açıb,

Qışın azad,yazın azad!

Sən çəkdiyin yolla gedir Azərbaycan,

Yolun azad,izin azad!

Şuşa adlı o nazənin qızın azad!

Bir dühasan hikmətinlə gənclik həyat eşqi alır,

Bir müəllimsin verdiyin dərs gələcəyə körpü salır.

Var olduqca Azərbaycan,var olacaq sənin adın,

Sən özüncün yaşamadın,

Sən özünçün doğulmadın!

Ömür verdin,bu millətin ömrü üçün,

Ömür verdin həqiqətin ömrü üçün!

Yaşayacaq bu torpağın qayasında çiçəyində sənin adın,

Yaşayacaq damarında bu millətin qanı axan hər insanın ürəyində sənin adın!!

Seminarın əsas məqsədi gənc turizmçi tələbələrə ixtisaslarını daha geniş aspektlərə çəkə bilmələri, turzim sahəsində imkanlar haqqında məlumatlar ötürmək idi.