Layihənin məqsədi Azərbaycan xalq mahnıları və bir çox nəğmələrin sətirlərində dəyərli tarixi faktlar gizlədildiyini tədbir iştirakçılarına bildirmək, sovet dönəmində yazıçılar tərəfindən yazılmış şeirlər və bəstələnmiş mahnılar senzuradan keçsin deyə Azərbaycan xalq mahnılarının və digər nəğmələrin sadəcə mahnı yox, həm də nəğməli kitabə olmasını gənc nəsilə çatdırmaq, onlar arasında tarixi musiqimizə maraq artırmaqdır.
Tədbir təşkilatçıları tərəfindən iştirakçılara Azərbaycan xalq mahnıları haqqında maraqlı suallar verilib, maarifləndirici oyunlar keçirilib, video-çarxlar izlənilib.
İnfotur iştitakçıları Mərkəzin emalatxanaları, dəzgahları, sinif otaqları, ümumi olaraq Mərkəzin ərazisi ilə tanış olublar, tələbələrin əl işlərindən ibarət sərgiyə baxış keçirilib, master-klasslarda iştirak ediblər.
Daha sonra çay süfrəsi arxasında səmimi söhbət aparılıb.
Qonaqlar infoturda iştiraklarından məmnunluqlarını, peşə təhsilinə olan maraqlarını, Qəbələ Dövlət Peşə Təhsil Mərkəzində yaradılmış yüksək şərait, ictimaiyyətin peşə təhsili haqqında məlumatlandırılmasında belə tədbirlərin zəruriliyini ifadə ediblər.
Tədbirdə şəhidlərimizin xatirəsi bir dəqiqəlik sükutla yad edilmişdir.
Çıxış edənlər bildirmişlər ki, tarixin bu qara səhifəsi əbədi olaraq, hər bir azərbaycanlı üçün, dünyanın hansı nöqtəsində olmasından asılı olmayaraq ümumilli matəm günü kimi qalacaq. Bu faciədə qohumlarını, yaxınlarını və soydaşlarını itirən hər bir kəs 20 Yanvar tarixini gözü yaşlı keçirir. 20 Yanvar Azərbaycan vətəndaşının yaddaşına müstəqilliyin qazanılması uğrunda mübarizənin zirvəsi kimi əbədi olaraq həkk olunmuş bir tarixdir.
20 Yanvar xalqımızın “Qanlı” tarixi olduğu kimi, 44 günlük Vətən Müharibəsi isə Azərbaycan xalqının “Şanlı” tarixidir. Bu yolda canlarından keçən şəhidlərimizə Allahdan rəhmət, qazilərimizə şəfa diləyirik.
Mərkəzin İstehsalat Təlim Ustaları tərəfindən təşkil edilən tədbirdə “Qənnadçı, şirniyyatçı” ixtisasının tələbələri Nurtac Həsənzadə, Elnaz Həsənzadə “Turizm sahəsində iaşə üzrə mütəxəssis” ixtisasının tələbəsi Sadiq Yusifov və “Aşpaz” ixtisasının tələbəsi Polad İsmayılzadə “20 Yanvara” həsr olunmuş səhnəciklər nümayiş etmiş və “Şəhidlər Xiyabanı” adlı mahnı səsləndirmişlər.
Tədbirin gedişində video-çarxlar izlənilmiş, Mərkəzin nəzdində yerləşən “Günərzi Qayğı Mərkəzinin” azyaşlı körpələri tərəfindən şeirlər söylənilmişdir.
Tədbirin sonunda Mərkəzin Tədris İstehsalat İşləri üzrə direktor müavini çıxış edərək, 20 Yanvar hadisələrinin xalqımızın tarixində təkcə faciə deyil, həm də istiqlal mücadiləsinin qələbəsi, milli məfkurəmizin azadlıq istəyinin oyanış günü olmasından, Sovet imperiyasının əsarətində yaşamağa məhkum olan xalqın azadlıq səsini ucaltdığı, öz suverənliyi uğrunda cəsarət nümayiş etdirdiyi şərəfli bir qan yaddaşımızdan danışmışdır.
Azərbaycan Respublikasının Prezidenti İlham Əliyevin doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi, ali təhsil müəssisələrində təqaüd sisteminin təkmilləşdirilməsi ilə bağlı əlavə tədbirlər barədə imzaladığı sərəncamlar, ölkədə elmə və təhsilə verilən dəyərin bariz nümunəsidir.
Peşə təhsil müəssisələrində təhsil alan gənclərimiz bu dəstək, stimullaşdırıcı tədbirlərdən ruhlanaraq ölkəmiz üçün layiqli peşə sahibləri kimi yetişəcək, eyni zamanda peşə ixtisaslarının arxasınca gedənlərin sayı daha da artacaqdır.
Layihə çərçivəsində həyata keçirilən bütün mərhələləri uğurla başa vuran Qəbələ Dövlət Peşə Təhsil Mərkəzinin məzunları seçdikləri fəaliyyət sahəsi üzrə Dövlət Məşğulluq Agentliyi tərəfindən müvafiq avadanlıqlarla təmin edilmişdir. Aktivlərin verilməsi növbəti təqvim ilinin ilk aylarında davam etdiriləcək.
Qeyd edək ki, “Gənclərin biznes emalatxanası” layihəsinin məqsədi peşə təhsili alan gənclərin biznes bacarıqlarının inkişaf etdirilməsi və sahibkarlıq fəaliyyətinə təşviq olunması, özünüməşğulluğunun təmin edilməsi, mikro və kiçik sahibkarlar arasında peşə təhsili almış gənclərin sayının artırılması, yeni biznes təşəbbüslərinin dəstəklənməsi, peşə təhsilinə marağın artırılmasıdır.
2021-2023-cü illəri əhatə edən layihə hazırda Cəlilabad, Ağdam və Qəbələ rayonlarında həyata keçirilir. Layihə dərzi, bitkiçilik və heyvandarlıq, xalçaçılıq, aqrotexniki xidmətlər, dülgər, çilingər, aşpaz, şirniyyatçı, turizm və qaynaqçı kimi sahələri əhatə edir. Biznes və peşə təlimlərini uğurla başa vuran gənclər seçdikləri fəaliyyət sahəsi üzrə müvafiq avadanlıqlarla təmin olunacaqlar.
