Mərkəzin emalatxanasında işəgötürənlərlə əməkdaşlıq çərçivəsində sifarişlər qəbul olunaraq, digər məhsulların istehsalına başlanılacaqdır. Qeyd olunan fəaliyyətlər bu sahə üzrə təhsil alan tələbələrin yerində istehsalat təcrübəsi keçməsinə imkanlar yaratmaqla yanaşı, Mərkəzin gəlir imkanlarını artıracaqdır.
Əldə olunan razılaşmaya əsasən, mərkəzin tələbələrinin təcrübə keçmələri üçün zavod tərəfindən 2 hektar təsərrüfat sahəsi ayrılmışdır. Tələbələr bu sahədə mövsümi işləri həyata keçirməklə istehsalat ustalarının rəhbərliyi ilə praktiki biliklər əldə edəcəklər.
Tədbirdə Qəbələ Dövlət Peşə Təhsil Mərkəzinin tələbələri və müəllimləri də iştirak ediblər.
Mərkəzin benefisiarları ilə pedaqoq-tərbiyəçilər, psixoloq və uşaq inkişaf mütəxəssislərinin hər bir üzvü məşğul olur, onların bütün ehtiyaclarını qarşılayırlar. Günərzi mərkəzində çalışan hər bir işçi uşaqlara böyük qayğı və mərhəmətlə yanaşır, onların fiziki və əqli qabiliyyətlərinin inkişafı üçün müxtəlif tədbirlər keçirirlər. Birgə keçirilən ad günləri uşaqların xatirəsində dərin iz buraxır, onları bir-birinə daha da doğmalaşdırır.
Xalqımızın Ümummilli Lideri Heydər Əliyevin anım günü ilə əlaqədar tələbələrimiz ulu öndərin abidəsini ziyarət edərək gül dəstələri düzmüş, dahi rəhbərin əziz xatirəsini ehtiramla yad etmişlər. Daha sonra Qəbələ rayon Heydər Əliyev Mərkəzində “Xalqa bağışlanan ömür” başlıqlı mühazirə oxunub, tələbələr mərkəzin ekspozisiya zalında Ümummilli Liderin həyat və fəaliyyətinin müxtəlif dövrlərini əks etdirən fotoşəkillərdən ibarət bölmələr haqqında məlumat almışlar.
12 dekabr tarixindən etibarən Türkiyənin Bursa şəhərində yerləşən 4 peşə təhsil müəssisəsini və Bursa Təhsil İdarəsini təmsil edən nümayəndə heyəti ölkəmizə səfərdədir. Səfərin məqsədi iki ölkə arasında peşə təhsili sahəsində əməkdaşlıq perspektivlərinin genişləndirilməsi, qardaşlıq sazişlərinin imzalanması, təhsilalanlar və pedaqoji heyət üçün təcrübə mübadilələrinin təşkili, həmçinin tədris proseslərinin səmərəliliyinin artırılmasıdır.
Tədbirdə Qəbələ Dövlət Peşə Təhsil Mərkəzinin fəaliyyəti, emalatxanalar, dəzgahlar, sinif otaqları, işəgötürən müəssisələrlə uğurlu əməkdaşlıq, həmçinin Mərkəzin fəaliyyəti istiqamətində qardaş Türkiyənin təcrübəsinin öyrənilməsi və tətbiqi istiqamətlərində geniş məlumat verilmişdir.
"Xalçaçılıq" qrupunun istehsalat təlim ustası Əhmədova Şəhla tərəfindən Qarabağ xalçalarının bədii qurluşu, texnoloji xüsusiyyətləri, rəng çalarları, Qarabağ xalçaçılıq məktəbinin qolu olan Şuşa xalçalarının zəngin kompozisiyası, 44 günlük Vətən müharibəsinin Zəfərinə həsr olunmuş ,,Zəfər" xalçası haqqında geniş təqdimat hazırlanaraq tələbələr məlumatlandırılmışdır.
Təlimin əsas məqsədi Almaniya Əməkdaşlıq Cəmiyyəti tərəfindən həyata keçirilən və Avropa Birliyi tərəfindən maliyyələşən “Qəbələ, İsmayıllı və Qax rayonlarında kənd təsərrüfatı və turizm sahələrində dual yönümlü peşə təhsili pilot proqramının hazırlanması” layihəsi çərçivəsində Qəbələ və İsmayıllı rayonlarında yaradılmış dual peşə təhsili yanaşmasından qazanılmış təcrübə və çıxarılmış nəticələri Gəncə Dövlət Peşə Təhsil Mərkəzindən seçilmiş mentorlarla paylaşmaq olub. Bu mübadilə təlimində iştirakçılar mentorun vəzifə və məsuliyyətləri, fəaliyyət və tədris planının işlənilməsi, Məşvərət Şurasının əsasnaməsinin tərtibi, özəl şirkətlərlə memorandum və müqavilələrin hazırlanması, kurikulum və təlim modullarının tərtibi, tələbələrin şəxsi keyfiyyətlərinin müəyyən edilməsi və ixtisasla əlaqələndirilməsi mövzuları üzrə bilik və bacarıqlarını artırıblar.