Yarışın keçirilməsində məqsəd yeniyetmə və gəncləri Vətənin müdafiəsinə mənəvi və fiziki cəhətdən hazırlamaq, tələbələrdə hərbi hazırlığın gücləndirilməsi, onlarda yarış təcrübəsini və ustalığı artırmaqdan ibarətdir.
Category: Uncategorized
Təlim səfərinin sonuncu günündə Sultanahmet Mesleki ve Teknik Anadolu Lisesinə ziyarət edilib. İlk öncə tarixi binada yerləşməsi ilə diqqət çəkən təhsil müəssisəsinin rəhbəri Yusuf Atılgan ilə görüş keçirilib. Daha sonra peşə təhsil müəssisəsinin “İKT”, “Elektrik”, “Qrafik” və “Fotoqrafiya”, “Mebel” və “Daxili Məkan” sahələri üzrə istehsalat təlim otaqları, emalatxanalarla tanışlıq olub. Təlim günü çərçivəsində İstanbul Milli Təhsil İdarəsinin müdir müavini Mehmet Nezir Eryarsoy ilə keçirilən görüş zamanı həm Azərbaycan, həm də Türkiyənin peşə təhsil sistemi ilə bağlı müzakirələr, söhbətlər aparılıb.
Səfər zamanı ziyarət edilən peşə təhsil müəssisələri sırasında Cağaloğlu Geleneksel Türk Sanatları Mesleki ve Teknik Anadolu Lisesi də yer alıb. Peşə təhsil müəssisəsinin direktoru Emine Erdönmez ilə keçirilən görüşdə “Ənənəvi Türk sənətləri” ixtisası üzrə emalatxana və istehsalat təlim otaqlarına baxış keçirilib.
Yekunda İstanbul Milli Təhsil Müdürlüyü tərəfindən Sabancı Öğretmen Evində bağlanış mərasimi təşkil olunub. Mərasimdə Milli Təhsil Müdürlüyünün nümayəndələri, təlim səfəri zamanı ziyarət edilən peşə təhsil müəssisələrinin müdirləri iştirak ediblər. Sonda proqram iştirakçıları sertifikat ilə təltif edilib, xatirə şəkilləri çəkilib.
Qeyd edək ki, 19 fevral 2021-ci il tarixində “Azərbaycan Respublikası Hökuməti ilə Türkiyə Respublikası Hökuməti arasında imzalanan peşə təhsili sahəsində əməkdaşlığa dair Protokol” çərçivəsində həyata keçirilən səfərin əsas məqsədi peşə təhsili müəssisələrinin idarəedilməsində Türkiyədə tətbiq edilən qabaqcıl təcrübənin öyrənilməsindən ibarətdir. Bakı və müxtəlif regionları təmsil edən peşə təhsil müəssisələrinin 15 rəhbər şəxsi 2 həftə ərzində müxtəlif istiqamətlər üzrə təlimlərə qatılaraq, sahəvi peşə təhsil müəssisələrində fəaliyyətin təşkili ilə bağlı yerində təcrübədən faydalanıblar.
İlk öncə Gəncə terroru zamanı erməni vəhşiliyinin qurbanı olmuş vətəndaşların xatirəsinin əbədi yaşadılacağı məkan ziyarət edilmiş, onların ruhlarına dualar oxunmuşdur.
Ekuskursiya zamanı Gəncə terroru nəticəsində ziyan dəyən tikililər və tarixi yerlər, zərbənin təsirindən ətrafda ziyan dəymiş və dağılmış binalar ziyarət edilmişdir.
Gəncə terrorunun qurbanlarını – mülki şəhidlərimizi dərin ehtiramla yad edirik!
İlk öncə Azərbaycanın ərazi bütövlüyü uğrunda canından keçən bütün şəhidlərin ruhu bir dəqiqəlik sükutla anıldı.
Tədbirdə Qəbələ Dövlət Peşə Təhsil Mərkəzinin direktoru Qalib Nəbiyev çıxış edərək bildirdi ki, Azərbaycan Ordusunun ötən il sentyabrın 27-də işğalçı Ermənistan silahlı qüvvələrinə qarşı başladığı 44 gün davam edən müharibə ölkəmizin tam qələbəsi və düşmənin kapitulyasiyası ilə nəticələndi. Bununla da Azərbaycan işğal aldındakı torpaqlarımızı yağılardan təmizlədi. Müzəffər ordumuzun hər bir əsgəri, hər bir zabiti müharibədə qəhrəmancasına döyüşdü, işğalçının torpaqlarımızdan qovulmasında müstəsna xidmətlər göstərdi, yaralandı, öz həyatını risk altına atdı, lakin məqsədi uğrunda inadından dönmədi, əzmlə, cəsarətlə zəfər yürüşünü son nəticəyə qədər davam etdirdi.
Kollektimizdə Azərbaycan xalqının qazandığı Böyük Zəfərdə payı olan və bu Tarixi Qələbənin əldə olunmasında qəhrəmanlıqla iştirak etmiş müəlllim və tələbələrin olması çox qürurvericidir. Onların keçdiyi döyüş yolları barədə xatirələri, ürək sözləri bizim üçün dəyərlidir. Mərkəzin direktoru onu da vurğuladı ki, gənc nəslin vətənpərvərlik ruhunda yetişməsi üçün bu kimi tədbirlərin rolu əvəzsizdir.
Daha sonra Mərkəzin Mülki Müdafiə Qərargah rəisi İlham Əfəndiyev, Mərkəzin istehsalat təlim ustası Bağıyev Vüqar, Mərkəzin ixtisas fənn müəllimləri Kazımlı Fuad, Mustafayev Cavid öz çıxışlarında bildirdilər ki, 44 gün davam edən müharibədə xalqımızın həmrəyliyi, birliyi, dövlət başçısının ətrafında sıx birləşməsi bütün dünyaya qüdrətli Azərbaycanın var olmasını sübut etdi. Onlar həmçinin qeyd etdilər ki, Azərbaycanın müzəffər ordusu günbəgün, anbaan xalqımızı qələbə sevinci ilə sevindirdi, hərb tariximizə şanlı zəfərlərlə dolu günlər yazdı
Qəbələ Dövlət Peşə Təhsil Mərkəzinin “Turizm sahəsində iaşə” ixtisası üzrə təhsil alan tələbə Zülfüqarov Səfa, “Aqroservis mütəxəssisi” ixtisası üzrə təhsil alan tələbə- qazi Qasımov Bəxtiyar, “Çilingər santexnik” ixtisası üzrə təhsil alan tələbə-qazi Eyvazov Elşən və digər müharibə iştirakçıları öz əsgəri borclarını ləyaqət və şərəflə yerinə yetirdiklərindən söz açdılar. Müharibə iştirakçısı olan tələbələr qeyd etdilər ki, Azərbaycan Ordusunun əsgər və zabitlərinin, hərbçilərimizin, igid Vətən övladlarının İkinci Qarabağ müharibəsində göstərdikləri qəhrəmanlıqlar, hər gün döyüş meydanında aldığımız Qələbə xəbərləri sayəsində bütün dünya Azərbaycan dövlətinin və ordusunun gücünü, qüdrətini bir daha gördü.
Tədbirə toplaşan tələbələr Vətən müharibəsi iştirakçılarının çıxışlarından onların qəlblərindəki Vətən sevgisinin, düşmənə qarşı olan intiqam və Qalib Xalqın Qalib əsgəri olmaqdan keçirtdikləri qürur hissinin aliliyi duydular.
İlk öncə bir dəqiqəlik sükutla 11 oktyabr 2020-ci ildə Gəncə terroru zamanı erməni vəhşiliyinin qurbanı olmuş şəhidlərin ruhu hörmətlə anılıb.
Tədbirdə Qəbələ Dövlət Peşə Təhsil Mərkəzinin Mülki Müdafiə Qərargah rəisi İlham Əfəndiyev çıxış edərək, özünün 44 günlük Vətən müharibəsində iştirakından, şahidi olduğu hadisələrdən danışıb.
Daha sonra Mərkəzin istehsalat təlim ustası Qaçayeva Hicran general-mayor Polad Həşimovdan danışaraq, xalqımızın Zəfər qazanmasında canından keçən igid oğullarını yad edib. Daha sonra 2-ci Qarabağ müharibəsi ərzində Azərbaycan xalqının və rəşadətli ordumuzun göstərdiyi əzmli mübarizədən bəhs edib.
Mərkəzin psixoloqu Hüseynova Zenfilə də çıxışı zamanı Gəncə terroru zamanı günahsız qanları tökülən dinc əhali və yaralılar haqqında danışıb. Bu terror zamanı ziyan dəyən tikililərin və tarixi yerlərin indi də xaricdən gəlib oranı ziyarət edən şəxslər və bütün dünya üçün erməni vəhşiliyinin daha bir nümunəsi kimi saxlanıldığını diqqətə çatdırıb.
Tədbirdə Mərkəzin Təhsilalanlarla iş şöbəsinin müdir müavini Əhməd Əhmədli də çıxış edərək, Gəncə terroru və 44 günlük müharibə ərzində ermənilərin törətdiyi heçbir vəhşiliyin xalqımızı Zəfər yolundan çəkindirmədiyini və əksinə Ali Baş Komandan cənab İlham Əliyevin rəhbərliyi ilə 44 gün sonra 30 illik vətən həsrətinə son qoyulduğunu bir daha vurğulayıb. Sonda Gəncə terroru qurbanlarının ruhu qarşısında baş əyərək, Allahdan onlara rəhmət diləklərini çatdırıb.
Tədbiri giriş sözü ilə Mərkəzin direktoru Qalib Nəbiyev açaraq, Ermənistanın Respublikasının ölkəmizə qarşı 2020-ci il sentyabrın 27-dən başlayan növbəti hərbi təcavüzünə cavab olaraq, Azərbaycan Respublikası Silahlı Qüvvələri Ali Baş Komandanın rəhbərliyi altında işğal altındakı torpaqlarımızın azad edilməsi məqsədilə Vətən müharibəsinə başlamasından və Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər, zabitlərimiz, qazilərimiz və şəhid ailələrinə göstərilən diqqət, qayğıdan danışmışdır. Qəbələ Rayon İcra Hakimiyyətinin, Qəbələ Dövlət Peşə Təhsil Mərkəzinin təşəbbüsü, “Əsgərə xatirə” layihəsinin dəstəyi ilə şəhid və qazi ailələrimizə göstərilən dəstək haqqında iştirakçılara məlumat verilmişdir.
Tədbirdə “Əsgərə xatirə” layihəsinə Müdafiə Nazirliyinin N saylı hərbi hissəsindən ezam olunmuş, qarabağ ordeni ilə təltif olunmuş, mayor Qənbərov İdris Birinci Qarabağ müharibəsi, Aprel döyüşləri və İkinci Qarabağ müharibəsində hərbiçilərimizin göstərdiyi igidlikdən, torpaqlarımızın işğaldan azad olunması, şəhidlərimizin qanının yerdə qalmaması üçün qəhrəmancasına döyüşdüklərini bildirdi. Müzəffər Ali baş komandan, xalqımızın, ordumuzun birliyi nəticəsində 30 il işğal altında olan torpaqlarımızı azad etdiyimizi diqqətə çatdırdı.
Tədbirdə Qəbələ Dövlət Peşə Təhsil Mərkəzinin Mülki Müdafiə Qərargah rəisi, 2-ci Qarabağ müharibəsi iştirakçısı İlham Əfəndiyev çıxış edərək, özünün 44 günlük Vətən müharibəsində iştirakı zamanı şahidi olduğu hadisələrdən danışmışdır.
Tədbirdə Şəhid Xeyribəy Səfərçinovun atası Cəlil Səfərçinov da çıxış edərək, şəhid valideynlərinə göstərilən qayğıdan razılığını bildirdi. Zəfər tarixinin yazılmasında payı olan hər bir şəxsə minnətdarlığını ifadə etdi. Şəhid analarının daima qayğıya ehtiyacı olduğunu diqqətə çatdırmaq üçün yazmış olduğu şeiri tədbir iştirakçıları ilə bölüşdü.
Tədbirin sonunda şəhid ailələrinə sovqatlar paylanıldı.
Tədbiri giriş sözü ilə Mərkəzin direktoru Qalib Nəbiyev açaraq, yeni dərs ilinin başlanması ilə əlaqədar təbrik etmiş, ənənəvi dərslərin davamlı keçirilməsində pandemiya qaydalarına əməl etməyin zəruriliyini diqqətə çatdırmışdır.
Q. Nəbiyev 2020-ci ilin ölkəmiz üçün əhəmiyyətindən, xalqımızın şanlı qələbəsindən, Vətən müharibəsində Təhsil Mərkəzinin müəllim və tələbələrinin iştirakından, müzəffər ordumuzun qəhrəmanlıqlarından danışmışdır.
Q.Nəbiyev Türkiyə peşə təhsil müəssisələrilə əməkdaşlıq, işəgötürən müəssisələrlə imzalanmış memorandomların əhəmiyyətindən, görülmüş digər işlərin şagirdlərimizin tədris və təliminə müsbət təsirindən danışdı, yeni dərs ilində pedaqoji heyətə, müəllim və tələbələrə uğurlar arzuladı.
Tədbirdə Qəbələ Dövlət Peşə Təhsil Mərkəzinin Tədris İstehsalat İşləri üzrə direktor müavini Camal Rəsulov çıxış edərək, tədbir iştirakçılarına və tələbələrə qəbul prosesi, tədris və təlim fəaliyyəti barədə ətraflı məlumat verdi, iştirakçılara bu ilki qəbulla bağlı məlumat verərək bildirdi ki, 2021-2022-ci tədris ilində aqrar və turizm qrupları üzrə ümumilikdə 23 qrup üzrə 520 tələbə, 5 qrup üzrə Yüksək Texniki Peşə (Subbakalavr) ixtisasları üzrə 100 tələbə qəbulumuz reallaşıb. Keçid qruplarında 179 nəfər tələbəmizin təhsilini davam etdirdiyini bildirdi.
Qeyd: Tədbir mövcud karantin qaydalarına uyğun olaraq açıq havada və müvafiq qaydalara əməl olunmaqla təşkil edilmişdir.
Tədbirdə Mərkəzin mühəndis-pedaqoji heyətinin üzvləri, bir qrup tələbələr də iştirak etmişlər.
Rayon İcra Hakimiyyətinin, idarə, müəssisə, təşkilatların rəhbərləri və şəhidin təhsil aldığı məktəbin kollektivi Vasif Süleymanovun məzarını ziyarət edərək, üzərinə gül dəstələri qoymuş, xatirəsi anılaraq, ruhuna dualar oxunmuşdur. Həmçinin şəhid Süleymanov Vasif Akif oğlunun xatirəsinə Bum qəsəbəsində ucaldılmış bulaq kompleksinin açılışı olmuşdur.
Bulaq kompleksinin açılışında şəhid Vasif Süleymanovun təhsil aldığı Aşpaz peşəsi üzrə istehsalat təlim ustası Azər Abdulxalıqov, müəllimi-Vətən Müharibəsi veteranı İlham Əfəndiyev də cıxış etmişlər. Onlar Vasifin intizamlı, məsuliyyətli, vətənpərvər bir gənc kimi yetişdirən valideynlərinə öz dərin minnətdarlıqlaını bildirmiş, bütün şəhidlərin Azərbaycan xalqının qəlbində dünya durduqca yaşayacaqlarını bir daha vurğulamışlar.
Peşə təhsil müəssisələrinin idarəetməsində qabaqcıl təcrübənin öyrənilməsi məqsədilə seçilmiş 15 peşə təhsil müəssisəsinin rəhbər şəxsləri üçün 3 oktyabr tarixindən etibarən Türkiyə Respublikasına təlim və təcrübə səfəri davam edir.
Peşə təhsil müəssisələrinin idarəetməsində qabaqcıl təcrübənin öyrənilməsi məqsədilə seçilmiş 15 peşə təhsil müəssisəsinin rəhbər şəxsləri üçün 3 oktyabr tarixindən etibarən Türkiyə Respublikasına təlim və təcrübə səfəri başlayıb.
