Qəbələ Dövlət Peşə Təhsil Mərkəzi10 avqust tarixindən etibarən peşə təhsil müəssisələrinə 2021/2022-ci tədris ili üzrə tələbə qəbuluna başlanılır. Peşə təhsili almaq istəyən şəxslər 10-20 avqust tarixlərində “portal.edu.az” platforması vasitəsilə qeydiyyatdan keçməlidirlər. Qəbul prosesi ümumi və ya tam orta təhsil bazasını bitirən şəxslər üçün açıqdır.
https://portal.edu.az/services
https://www.youtube.com/watch?v=00mlDR0sNKY
Peşə Təhsili üzrə Dövlət Agentliyi, Dövlət Turizm Agentliyi, Azərbaycan Turizm Bürosu və Azərbaycan Hotel Assosiasiyası birgə peşə təhsil müəssisələrində aşpaz və turizm sahəsində iaşə üzrə mütəxəssis ixtisasları üzrə təhsil alacaq tələbələrin Turizm Sahəsində Dual Təhsil Proqramına start verilib.
20.08.2021 tarixində Qəbələ Dövlət Peşə Təhsil Mərkəzində Dual təhsil proqramına tələbə qəbulu üzrə müsahibələr həyata keçirildi.
Dəvət edilən vətəndaşlar Qəbələ Otellər Qrupunun nümayəndələri tərəfindən aparılan müsahibələrdə iştirak etdilər, fərdi söhbətlər aparıldı, blanklar dolduruldu, yekunda pandemiya qaydalarına uyğun görüşlər keçirildi.
Qeyd edək ki, Proqramın məqsədi sənaye nümayəndələri ilə birlikdə təcrübə əsaslı biliklərin tələbələrə ötürülməsinə imkan yaratmaqdır.
Proqram müddətində tələbələr ilk 1 ayı təhsil müəssisəsində keçirəcək və ilkin baza biliklərə sahiblənəcəklər. İkinci aydan etibarən seçilmiş tələbələr həftə ərzində bir neçə gün peşə təhsil müəssisəsində – nəzəri biliklərə, həftənin digər qismində isə otellərdə onlara təyin olunmuş mentorlar vasitəsilə praktiki bacarıqlara yiyələnəcəklər.
1 illik tədris müddətinin sonunda tələbələr nəzəri biliklər, ölkənin qabaqcıl otellərində təcrübəyə yiyələnmək imkanı ilə yanaşı diplom əldə edəcəklər. Proqram Qəbələ Dövlət Peşə Təhsil Mərkəzində aşpazlıq və turizm sahəsində iaşə üzrə mütəxəssis ixtisasları üzrə həyata keçiriləcəkdir.
Dəvət edilən vətəndaşlar Qəbələ Otellər Qrupunun nümayəndələri tərəfindən aparılan müsahibələrdə iştirak etdilər, fərdi söhbətlər aparıldı, blanklar dolduruldu, yekunda pandemiya qaydalarına uyğun görüşlər keçirildi.
Qeyd edək ki, Proqramın məqsədi sənaye nümayəndələri ilə birlikdə təcrübə əsaslı biliklərin tələbələrə ötürülməsinə imkan yaratmaqdır.
Proqram müddətində tələbələr ilk 1 ayı təhsil müəssisəsində keçirəcək və ilkin baza biliklərə sahiblənəcəklər. İkinci aydan etibarən seçilmiş tələbələr həftə ərzində bir neçə gün peşə təhsil müəssisəsində – nəzəri biliklərə, həftənin digər qismində isə otellərdə onlara təyin olunmuş mentorlar vasitəsilə praktiki bacarıqlara yiyələnəcəklər.
1 illik tədris müddətinin sonunda tələbələr nəzəri biliklər, ölkənin qabaqcıl otellərində təcrübəyə yiyələnmək imkanı ilə yanaşı diplom əldə edəcəklər. Proqram Qəbələ Dövlət Peşə Təhsil Mərkəzində aşpazlıq və turizm sahəsində iaşə üzrə mütəxəssis ixtisasları üzrə həyata keçiriləcəkdir.
01 iyul 2021-ci il tarixində Qəbələ Dövlət Peşə Təhsil Mərkəzində inzibati heyət üçün təhsilalanlarla iş şöbəsi tərəfindən işgüzar yazışmalar üzrə təlim keçirildi.
Təlimdə Təhsilalanlarla iş şöbəsinin müdiri Anar Məhərrəmov tərəfindən işgüzar yazışmaların professional təşkilinin iş həyatında rolu, dövlət, özəl sektorla işgüzar yazışmaların effektiv təşkilinin əhəmiyyəti, işgüzar yazışmalarda professionallıq, məsuliyyət kimi vacib keyfiyyətlərə sahib olmaq, orfoqrafiq və qrammatik qaydalara əməl etməyin zəruriliyi və s. haqqında geniş məlumat verildi.
Yekunda mövzu ilə bağlı iştirakçıların sualları cavablandırıldı.
Bugün Qəbələ Dövlət Peşə Təhsil Mərkəzində inzibati heyət üçün təhsilalanlarla iş şöbəsi tərəfindən “Vaxtın İdarə Edilməsi” üzrə təlimin 1-ci hissəsi keçirilib.
Təlimdə Təhsilalanlarla iş şöbəsinin müdiri Anar Məhərrəmov tərəfindən “Vaxtın İdarə Edilməsi” üzrə zəruri bilik və vərdişlərə yiyələnmənin iş həyatında rolu, Vaxt israfının səbəbləri və qarşısının alınması, şəxsi və peşəkar məqsədlərimizə çatmaq üçün öhdəmizdə olan vaxtdan səmərəli istifadənin əhəmiyyəti və s. haqqında geniş məlumat verilib.
Daha sonra təlim iştirakçıları üçün praktiki tapşırıqlar həyata keçirilib.
Sonda mövzu ilə bağlı iştirakçıların sualları cavablandırılıb.
Bugün Qəbələ Dövlət Peşə Təhsil Mərkəzində məzunlara diplomlar təqdim edilib.
Tədbiri giriş sözü ilə Qəbələ Dövlət Peşə Təhsil Mərkəzinin direktor müavini Camal Rəsulov açaraq tədbir iştirakçılarını salamlayaraq, tədbirin proqramı haqda iştirakçıları məlumatlandırıb.
Çıxış edən Mərkəzin direktoru Qalib Nəbiyev məzunları təbrik edərək, ölkədə peşə təhsili istiqamətində həyata keçirilən proqramlar, Mərkəzin ötən tədris ilində qazandıqları təcrübə və əməkdaşlıqlarla bağlı geniş məlumat verib.
Q.Nəbiyev xalqımızın şanlı qələbəsindən, Vətən müharibəsində Təhsil Mərkəzinin müəllim və tələbələrinin iştirakından, müzəffər ordumuzun qəhrəmanlıqlarından danışıb.
Mərkəzin direktoru biznes müəssisələrilə sıx əməkdaşlıq, imzalanmış memorandumlar, gələcək perspektivlərdən danışaraq, artıq bir qism məzunların işlə təmin edildiyini bildirdi, bu ildən etibarən Təhsil Mərkəzində yüksək texniki peşə (subbakalavr) ixtisaslarına tələbə qəbulu olacağını diqqətə çatdırıb.
Daha sonra məzunlara diplomlar təqdim edilib.
Qeyd: Tədbir mövcud karantin qaydalarına uyğun olaraq açıq havada və müvafiq qaydalara əməl olunmaqla təşkil edilib.
Qəbələ Dövlət Peşə Təhsil Mərkəzində Azərbaycan Respublikası Təhsil Nazirliyinin yanında Peşə Təhsili üzrə Dövlət Agentliyinin 03.06.2021-ci il tarixli F-25 saylı əmri əsas tutularaq, Dövlət buraxılış ixtisas imtahanları başlayıb. Ümumi orta təhsil bazasından “Bağban-dekorator” və tam orta təhsil bazasından dayə ( təhsil müddəti 1 il) ixtisası üzrə imtahanlar müvəffəqiyyətlə başa çatıb. “Bağban-dekorator” ixtisası üzrə buraxılış imtahan açıq havada – Təhsil Mərkəzinin bağında keçirilib. Dövlət buraxılış imtahanına gəlməyən və qeyri-müvəffəq qiymət alan olmayıb.
Dövlət Attestasiya Komissiyasının sədri Vüsal Abbasov ( “Gilan Dairy Farms” MMC-nin rəhbəri ) və komissiya üzvləri tələbələrin yekun qiymətlərini, istehsalat xasiyyətnamələrini, ixtisas (sınaq) işlərinin nəticələrini nəzərdən keçirərək və şifahi sorğu apararaq imtahan nəticələrini elan ediblər.
Görüş “Ümumtəhsil və peşə təhsili müəssisələrində peşəyönümü xidmətinin həyata keçirilməsi” mövzusuna həsr olunmuşdu.
Tədbirdə Təhsil Mərkəzinin direktoru Qalib Nəbiyev müəssisənin fəaliyyəti haqqında dolğun məlumat verdi və təqdimat etdi. O, bildirdi ki, Təhsil Mərkəzində həm turizm, həm aqrar sahə, həm də sənayenin digər sahələri üzrə kadrlar hazırlanır.
Görüşdə iştirak edən Qəbələ rayon Təhsil şöbəsinin müdiri Arifə Bayramova təhsilalanların peşə seçiminə və əmək fəaliyyətinə hazırlanması məqsədilə onların maraqlarının, bacarıqlarının, şəxsi keyfiyyətlərinin düzgün formalaşdırılmasının böyük önəm daşıdığını vurğuladı. O, ümumtəhsil məktəbləri ilə peşə təhsili müəssisələrinin bu sahədə əməkdaşlığını yüksək qiymətləndirdi.
Tədbirdə iştirak edən Qəbələ Dövlət Peşə Təhsil Mərkəzinin Tədris İstehsalat İşləri üzrə direktor müavini Camal Rəsulov və Tərbiyə İşləri üzrə direkrtor müavini Reyhan Məmmədova öz çıxışlarında qeyd etdilər ki, görüşün təşkil olunmasında məqsədimiz Peşə Təhsil Mərkəzi haqqında məlumatlılıq səviyyəsini artırmaq, eləcə də gənclər üçün müvafiq təhsil seçimlərindən biri kimi peşə təhsilinin uğurlu təqdimatına nail olmaqdır.
