Category: Uncategorized

 

Yay tanışlıq təcrübəsinin əsas məqsədi tələbələrin ilboyu keçdikləri modulların nəzəri əsaslarının praktik işlərlə zənginləşdirilməsinə şərait yaratmaqdır.

Təhsil Mərkəzinin “Aqroservis mütəxəssisi” və ”Bitkiçilik mütəxəssisi” ixtisasları üzrə I kurs tələbələrinin bir qismi yay təcrübələrini “Gilan Dairy Farms” MMC-də, “Gilan Qəbələ Aqrotexservis” MMC-də, “Şamlı” Aqroservis Müəssisəsində, “Gilan Vegetables” MMC-də, “Daşca” kiçik fermer təsərrüfatında keçirlər.

Tələbələr yay təcrübəsi zamanı müəssisələrdə gedən iş prosesi ilə yaxından tanış olur, orada istismarda olan maşın və mexanizmlərin işini, taxıl biçini üzrə texnoloji prosesləri öyrənir, kombaynın idarə edilməsini, həmçinin peşəkar mütəxəssislərlə birlikdə çalışmaq və onların iş təcrübələrindən yararlanmaq imkanı əldə edirlər.

Qeyd edək ki, tələbələrin dualabənzər konsept üzrə təliminin təşkil edilməsi proqramı ötən ildən işəgötürənlərlə müzakirə edilmiş, təcrübə müddətləri razılaşdırılmış və təcrübənin müəyyən bir hissəsinin isə yay mövsümünə salınması dualabənzər peşə təliminin yaradılması konseptinə uyğun olması qeyd edilmişdir. Yay təcrübələrinin işçi proqramları işlənmiş, üçtərəfli müqavilələr imzalanmış və tələb olunan digər təcrübə sənədləri tərtib edilmişdir. Yay təcrübəsi 2 mərhələdə keçirləcəkdir. Tələbələr birinci mərhələdə (08-26 iyul) taxıl biçini, daşınması, ilkin emalı proseslərində iştirak edəcəklər, ikinci mərhələdə (19-30 avqust) maşın – traktor aqreqatlarının işə hazırlanması, şum əməliyyatının aparılması, onun keyfiyyət göstəricilərinin təyini və torpaqşünaslıqla bağlı digər məsələləri öyrənəcəklər. Təcrübənin sonunda tələbələrin əldə etdikləri təcrübi bilikləri qiymətləndirilərək təcrübələrin nəticələri haqqında hesabatlar tərtib ediləcəkdir.

Yay təcrübəsi “Qəbələ, İsmayıllı və Qax rayonlarında kənd təsərrüfatı və turizm sahəsində duala bənzər peşə təhsili və təlimi pilotlarının yaradılması” (ED VET) layihəsi çərçivəsində həyata keçirilir.

 

 

 

Əgər qəbul qaydalarına dair geniş məlumat almaq istəyirsinizsə aşağıdakı linkə daxil olmaqla istədiyiniz suallara cavab taparsınız.

https://www.youtube.com/watch?v=_RiVP9hF4Lw&t=2s&fbclid=IwAR2Qt_Jg51Ksd2Aumz5Rs0FNy1gpaJAESwNHadBGUoWA13tc9b-wNHAXvLU 

 

Azərbaycan  Respublikası  Təhsil  Nazirliyi

Qəbələ Dövlət Peşə  Təhsil Mərkəzi

 

2019-2020 – ci  dərs ili üçün aşağıdakı peşələr  üzrə tələbə  qəbulu

ELAN  EDİR

ÜMUMİ  ORTA  TƏHSİL BAZASINDAN  (9 – cu sinif)

Dövlət hesabına

• Çilingər – santexnik – təhsil müddəti   3 ildir;
• Dülgər – təhsil  müddəti   3 ildir;
• Kimyəvi – bakterioloji analiz laborantı– təhsil müddəti   3 ildir;
• Bitkiçilik mütəxəssisi– təhsil müddəti   3 ildir;

 

• Aqroservis mütəxəssisi – təhsil müddəti   2 ildir;
• Üzümçülük və şərab ustası – təhsil müddəti   2 ildir;

 

TAM ORTA TƏHSİL BAZASINDAN (11– ci sinif), təhsil  müddəti   1 il;

• Aqroservis mütəxəssisi;
• Heyvandarlıq mütəxəssisi;
• Dülgər;
• Çilingər – santexnik;
• Xalçaçı 1 il  və 6 ay;
• Meyvə ustası;
• Tərəvəz ustası;
• Elektrik xəttlərinin quraşdırılması və təmiri üzrə elektrik montyoru;

Ödənişli əsaslarla

• Kompyuter operatoru 9-cu sinifdən 1 il;
• Əməliyyatçı – mühasib 11-ci sinifdən 6 ay;
• Elektrik xəttlərinin quraşdırılması və təmiri üzrə elektrik montyoru 11-ci sinifdən 1 il;
• Mühafizəçi 11-ci sinifdən 6 ay;
• Kimyəvi-bakterioloji analiz laborantı 11-ci sinifdən 1 il;

 

Dövlət hesabına  təhsil  alanlara  hər  ay  50 manat  təqaüd  verilir.

Dövlət hesabına təhsil almaq istəyənlər “ASAN XİDMƏT” mərkəzlərinə müraciət edə bilərlər.

Ödənişli əsaslarla təhsil almaq istəyənlər aşağıdakı sənədləri Təhsil Mərkəzinə təqdim etməlidirlər:

–direktorun adına yazılmış ərizə;

-təhsil haqqında sənədin əsli və surəti;

-tibbi arayış;

-şəkil 3×4 ölçüdə 4 ədəd;

-şəxsiyyət vəsiqəsinin surəti;

-hərbi bilet və ya hərbi qeydiyyat şəhadətnaməsi.

Dərslər  sentyabrın  15 – dən  başlanır.

Ünvanımız:  Qəbələ  şəhəri,  28 may küç.–34

Telefonlarımız: 024 205 25 60, 024 205 04 36  

                         055 395 49 62

 

Qəbələ DPTM 2019 QƏBUL OLUNANLARIN Siyahısı

Almaniya Beynəlxalq Cəmiyyətinin (GIZ) “Qəbələ, İsmayıllı və Qax rayonlarının kənd təsərrüfatı və turizm sahələrində Dual Peşə Təhsili və Təlim Pilotların yaradılması (Dual PTT)” layihəsi çərçivəsində Qəbələ Dövlət Peşə Təhsil Mərkəzinin “Aqroservis mütəxəssisi” ixtisası üzrə I kurs tələbələri dualabənzər peşə təhsilinə və təliminə hazırlıq mərhələsində işəgötürən müəssisələrin fəaliyyəti ilə tanışlıq məqsədi ilə “Gilan Qəbələ Aqrotexservis” ASC-yə və “Özəl aqroservis” müəssisəsinə səfər etmişlər. Tələbələr bu müəssisələrdə kənd təsərrüfatı texnikasının saxlanması, təmir və texniki xidmət işləri və texnikanın istismarı ilə yaxından tanış olmuşlar. Tələbələr bu müəssisələrdə kənd təsərrüfatı texnikasının saxlanması, təmir və texniki xidmət işləri və texnikanın istismarı ilə yaxından tanış olmuşlar. “Gilan Qəbələ Aqrotexservis” ASC-nin  mütəxəssisləri tələbələri müəssisə ilə tanış etdikdən sonra, tələbələr təmir və xidmət emalatxanalarındakı iş prosesini yaxından izləmişlər.

Səfər zamanı I kurs tələbələri  “Gilan Qəbələ Aqrotexservis” ASC-də istehsalat təcrübəsi keçən buraxılış qruplarının tələbələrinin iş fəaliyyəti ilə tanış olmuşlar.

Bundan əlavə, tələbələrimiz özəl aqroservis müəssisəsinin əkin sahələrini gəzmiş, regionda ilk dəfə əkilmiş bitki növləri barədə məlumatlar almışlar.

“Bitkiçilik mütəxəssisi” və “heyvandarlıq mütəxəssisi” ixtisasları üzrə də belə səfərlərin təşkil olunması planlaşdırılmışdır.

“Qəbələ, İsmayıllı və Qax rayonlarının kənd təsərrüfatı və turizm sahəsində Dual Peşə Təhsil və Təlim pilotların yaradılması” (ED VET) qrant layihəsinin Qəbələ Rayon İcra Hakimiyyəti, Qəbələ Rayon Təhsil Şöbəsi, özəl sektor və ümumtəhsil məktəb direktorlarının iştirakı ilə təşviqat tədbiri keçirilmişdir.

Qəbələ Dövlət Peşə Təhsil Mərkəzi, Avropa İttifaqı tərəfindən maliyyələşən “Qəbələ, İsmayıllı və Qax rayonlarının kənd təsərrüfatı və turizm sahəsində Dual Peşə Təhsil və Təlim pilotların yaradılması” (ED VET) qrant layihəsi çərçivəsində 3 may tarixində Qəbələ Rayon İcra Hakimiyyəti ilə birlikdə özəl sektoru və orta məktəb direktorları, həmçinin Qəbələ Rayon Məşğulluq Mərkəzini və digər regional maraqlı tərəfləri gələcək 2018-2019-ci tədris ili barədə məlumatlandırmaq, pilot ED VET layihəsini təqdim etmək, və özəl sektorun yeni təlim proqramları çərçivəsində rolu haqqında məlumatlılığını artırmaq məqsədilə təşviqat tədbiri təşkil edilmişdir.
Görüşün əsas məqsədi şagirdləri və özəl sektoru (kiçik və orta sahibkarları) cəlb etmək, Peşə Təhsilinin imkanlarını təsvir etmək, özəl sektorun tələbləri haqqında məlumat əldə etmək və əməkdaşları Dual Peşə Təhsili və Təlimi barədə məlumatlandırmaqdır.

Tədbiri giriş sözü ilə Qəbələ rayon İcra Hakimiyyəti Başçısının müavini Arif Allahverdiyev açdı və bu günkü tədbirin məqsədi barədə məlumat verdi.
Peşə Təhsili üzrə Dövlət Agentliyinin şöbə müdiri Zamin Bədirxanov, Avropa Birliyinin Azərbaycandakı nümayəndə heyətinin rəhbəri Kestutis Jankauskas, Qəbələ Dövlət Peşə Təhsili Mərkəzinin direktoru Azad Məmmədov peşə təhsilinin inkişafı, peşəyönümü işlərinin aparılması və kadr hazırlığı məsələləri haqqında fikirlərini bölüşdülər.

GIZ ED VET layihəsinin eksperti Şəlalə Kamilova, həmin layihənin əməkdaşları Səbinə Adilova və Məhəmməd Məmişzadə Qəbələdə Dual təhsil layihəsinin tətbiq edilməsinin konsepsiyası barədə məlumat verdilər.

Sonra özəl sektorun nümayəndələri – Mustafa Əliyev-(Gilan Agrotexservice MMC), Sübhan Dadaşov -(Aqrokompleks Qəbələ MMC) və Famil Salahov – (Aspi-Aqro MMC) çıxış edərək Qəbələ Dövlət Peşə Təhsil Mərkəzi ilə əməkdaşlıq, şagirdlərin istehsalat təcrübələrinin təşkili barədə geniş məlumat verdilər.

Tədbirin sonunda müzakirə və sual – cavab sessiyası keçirildi.

 

16 may 2018-ci il tarixdə Təhsil Mərkəzində əmək yarmarkası keçirildi. Yarmarkada müxtəlif sahələr üzrə iş yerləri təklif olundu. Təhsil Mərkəzinin buraxılış qruplarının şagirdləri də həmin yarmarkada iştirak edirdilər. Onlar əsasən Kənd təsərrüfatı sahələri üzrə, çilingərlik, xalçaçılıq və digər sahələr üzrə iş yerləri maraqlandırırdı. Mərkəzin şagirdləri müxtəlif iş yerləri ilə maraqlanmış, CV dolduraraq müəssisə nümayəndələrinə təqdim etmişlər. Şagirdlərimiz əsasən Aqrokompleks Qəbələ MMC, Azərxalça MMC-nin Qəbələ filialı və başqa müəssilərə müraciət etmişlər.

Yarmarkada 2018 – 2019 – cu tədris ilində şagird qəbulu aparılacaq ixtisasların proqnoz siyahısı iştirakçılara təqdim edilmişdir. Əmək yarmarkasında Mərkəzin direktoru Azad Məmmədov çıxış edərək rayon Məşğulluq Mərkəzi ilə birgə fəaliyyətimiz, Təhsil Mərkəzində hazırlanan ixtisaslar, məzunlarımızın işlə təminatı, istehsalat təcrübəsinin gedişi barədə ətraflı məlumat vermişdir.

Qəbələ Dövlət Peşə Təhsil Mərkəzinin əməkdaşları alman mütəxəssislərinin təşkil etdiyi “Təlimçilərin təlimi”ndə iştirak ediblər.

Təlim Təhsil Nazirliyi yanında  Peşə Təhsil üzrə Dövlət Agentliyinin Almaniyanın kənd təsərrüfatı texnikası istehsalçısı olan “CLAAS” şirkəti ilə “Kənd təsərrüfatı Texnologiyası və İdarəetmə Təşəbbüsü – Azərbaycan” layihəsi çərçivəsində əldə etdiyi razılaşmaya əsasən  keçirilib.

“Gilan Agriculture” portfelinə daxil olan “Gilan Aqrotek” şirkətində keçirilən təlimdə Qəbələ Dövlət Peşə Təhsil Mərkəzinin 3 nəfər əməkdaşı iştirak etmişdir.

Layihənin məqsədi “CLAAS” markalı müasir kənd təsərrüfatı texnikasının texniki istismar qaydalarının və təmir texnologiyasının avadanlıq operatorlarına öyrədilməsi üçün təlimçilərinin təlimləndirilməsi, kənd təsərrüfatı texnikası, bitkiçilik və istehsal iqtisadiyyatı  modulları üzrə iş yerində təlim təcrübəsinin tətbiqidir.

Peşə təhsili müəssisələrinin işəgötürənlərlə əməkdaşlığına dair konfrans