Qəbələ Dövlət Peşə Təhsil Mərkəzi aqrar sahəsində Dual Peşə Təhsili və Təlimi təhsil proqramının icrası istiqamətində tədbir keçirib. Tədbir “Üzümçülük və şərab ustası” ixtisası üzrə təhsil alan tələbələrlə və müəssisədən olan mentorlarla birlikdə Savalan Wines şirkətində baş tutub. Görüşdə tələbələrlə üçtərəfli müqavilələr imzalanıb, eyni zamanda tələbələrin müəssisədəki iş qrafikləri müəyyənləşdirilib.
Dual peşə təhsili və təlimi Təhsil Proqramına uyğun olaraq tələbələr tədris ilinin sonuna kimi təhsil müəssisəsində ilkin baza biliklərə sahiblənəcəklər. Növbəti mərhələdə seçilmiş 15 nəfər tələbə peşə təhsil müəssisəsində nəzəri biliklərlə yanaşı, müəssisədə praktiki bacarıqlara yiyələnəcəklər.
Bir illik tədris müddətinin sonunda tələbələr həm nəzəri biliklər əldə edəcək, həm də “Savalan ASPİ Winery” MMCşirkətində təcrübə qazanaraq diplom əldə edəcəklər.
“Üzümçülük və şərab ustası” təhsil alan tələbələrin “Savalan ASPİ Winery” MMC ilə bağlanmış müqaviləyə əsasən tədris ili boyunca müxtəlif dövrlərdə tədris planına uyğun olaraq, istehsalat təlimi və təcrübəsi təşkil olunacaqdır.
