Tədbirdə işəgötürənlər, ümumtəhsil məktəblərinin IX sinif şagirdləri, müəllimlər, valideyinlər, uğurlu məzunlar iştirak ediblər.
Tədbirdə Təhsil Mərkəzinin direktoru Qalib Nəbiyev qonaqları salamlayaraq, iştirakçılara Təhsil Mərkəzi haqqında məlumat verib. Mərkəzdə turizm, aqrar və sənayenin digər sahələri üzrə peşə ixtisasları ilə bağlı informasiya verilib, və ümumi fəaliyyəti əks etdirən təqdimat edilib. İşəgötürən müəssisələrin rəhbərləri, peşə təhsilinin əhəmiyyəti, şagirdlərin düzgün peşə seçməsinin vacibliyi, əmək bazarında peşə təhsilinin rolu istiqamətində məlumatlar veriblər.
Tədbirdə Qəbələ rayon təhsil şöbəsinin müdiri Arifə Bayramova, işəgötürən müəssisələrin rəhbərləri, “Aspi Aqro MMC”-nin direktoru Cahangir Şəfizadə, “Qafqaz Qəbələ MMC”-nın İnsan resursları şöbəsinin müdiri B.Müzəffərov, Kiçik və Orta Biznesin İnkişaf Agentliyinin KOB dostu departamentinin Şəki – Zaqatala regional koordinatorluğunun Oğuz-Qəbələ nümayəndəsi Ruslan Qarayev çıxış edərək, əmək bazarında peşə təhsilinin əhəmiyyəti, gənclərin peşə təhsili seçiminin vacibliyi istiqamətində fikirlərini bildiriblər.
Təhsil Mərkəzinin uğurlu məzunları Zaman Məmmədli, Nihad Məmmədli çıxış edərək, şagirdlərə peşə sahələri üzrə bacarıqlara necə sahib ola biləcəkləri haqqında öz məsləhət və tövsiyyələrini verib və uğur hekayələrini danışıblar. Şagirdlər master-klass dərslərə dəvət olunub, “aşpaz”, “qaynaqçı”, “dülgər”, “qənnadçı-şirniyyatçı”, “tikişçi”, “xalçaçı”, “kompyuter operatoru” ixtisasları üzrə dərslərdə iştirak ediblər.
Tədbirin rəsmi hissəsinin yekununda, şagirdləri maraqlandıran suallara cavab verilib və sonda qonaqlar Təhsil Mərkəzinin maddi-texniki bazası ilə yaxından tanış olublar.
