18 iyun 2021-ci il tarixində Ümumi orta təhsil bazasından “Tikiş avadanlıqlarının operatoru, tikişçi” (təhsil müddəti 1 il) və tam orta təhsil bazasından “Çilingər-santexnik” və “Elektrik avadanlıqlarına xidmət və təmir üzrə elektrik montyoru” ixtisasları üzrə imtahanlar müvəffəqiyyətlə keçirilib.
Dövlət Attestasiya Komissiyasının sədri Vüsal Abbasov (“Gilan Dairy Farms” MMC-nin rəhbəri) və komissiya üzvləri tələbələrin yekun qiymətlərini, istehsalat xasiyyətnamələrini, ixtisas (sınaq) işlərinin nəticələrini nəzərdən keçirərək və şifahi sorğu apararaq imtahan nəticələrini elan ediblər.
İmtahanlarda işəgötürən müəssisələrin mütəxəssisləri də iştirak edib.
