Tədbirdə Mərkəzin mühəndis-pedoqoji heyəti və tələbələr iştirak ediblər.
İlk öncə işğaldan azad edilən torpaqlarımız haqda video görüntülər izlənilib. Daha sonra Mərkəzin direktoru Qalib Nəbiyev tədbir iştirakçılarını salamlayaraq, hər kəsi bu əlamətdar günlər münasibətilə təbrik edib, ən xoş arzularını çatdırıb.
Q. Nəbiyev Dünya Azərbaycanlılarının Həmrəyliyi Gününün təsis edilməsi ilə bağlı Azərbaycan xalqının ümummilli lideri Heydər Əliyevin xidmətlərindən, dünyanın hər yerində yaşayan azərbaycanlıların təşkilatlanması, diaspor fəaliyyətinin yaranması və genişləndirilməsi işinə verdiyi töhfələrdən danışıb. Azərbaycanın Vətən müharibəsini böyük Qələbə ilə başa vurduğunu, hazırda işğaldan azad olunan torpaqlarımızda genişmiqyaslı quruculuq işlərinin aparıldığını, ölkəmizin sürətlə inkişaf etdiyini, regionda bütün beynəlxalq layihələrin icrasında ölkəmizin müstəsna rolunu diqqətə çatdırıb.
Tədbir çərçivəsində tələbələr üçün bədii-əyləncəli proqram təşkil olunub, hazırlanmış kompozisiyalar, rəqs nümunələri nümayiş etdirilib. Tədbir boyunca tələbələrin maraqlı və məzmunlu çıxışları bayram əhval-ruhiyyəsi yaşadıb. Şaxta baba və Qar qız tələbələri təbrik ediblər.
Qeyd: Tədbir sosial davranış və sanitar-epidemioloji qaydalara uyğun olaraq həyata keçirilib.