Qəbələ Dövlət Peşə Təhsil Mərkəzinin əməkdaşları Türkiyə Respublikasında təlim səfərində olmuşlar.
Peşə Təhsili üzrə Dövlət Agentliyinin dəstəyi ilə Peşə Təhsili Müəssisələrinin müəllim-pedaqoji heyəti üçün Türkiyə Respublikasına təlim səfəri təşkil olunmuşdur.
Qəbələ Dövlət Peşə Təhsil Mərkəzini təmsil edən İstehsalat Təlim Ustaları Rəhman Xasməmmədov, Cavidan Cabbarlı, Xəyal Mahmudov və Pənah Hüseynli Türkiyə Respublikasının Peşə Liseylərində, həmin Liseylərin əməkdaşlıq etdiyi otellərdə olmuş və orada keçirilən təlimlərdə iştirak etmişlər.
Azərbaycanın Türkiyə Respublikasında yerləşən səfirliyinin dəstəyi ilə həyata keçirilən təlimlər İKT, nəqliyyat vasitələrinin təmiri, qaynaq, moda dizayn, mebel sənayesi, dizayn və digər ixtisas sahələrini əhatə etmişdir. Səfər çərçivəsində bir çox iş yerləri ilə tanış olmuş, sahibkarların kadr istəkləri barəsində ərtaflı məlumat almışlar.
Eyni zamanda müəllimlərin dərs keçmə metodları və praktiki dərslərin təşkili prosesi ilə əyani tanış olmuş, emalatxanalarda keçirilən dərslər haqqında xüsusi qeydlər götürmüşlər.
Qeyd edək ki, təlim iştirakçıları qardaş ölkədə peşə təhsil müəssisələrində tədris prosesində aktiv iştirak etməklə yanaşı sektor üzrə qabaqcıl müəssisə və təşkilatlara təşkil edilən səfərlərdə müasir texnologiyalar ilə də tanış olmuşlar.
