Əmək və Əhalinin Sosial Müdafiəsi Nazirliyinin Tabeliyindəki Dövlət Tibbi-sosial Ekspertia və Reabilitasiya Agentliyinin təşkilatçılığı ilə Ölkəmizə gəlmiş və Qəbələ Uşaq Reabilitasiya Mərkəzinə yerləşdirilən 30 nəfər Ukraynalı uşaq və gənc Qəbələ Dövlət Peşə Təhsil Mərkəzinin qonağı olmuşlar.
Qonaqlar Mərkəzin emalatxanaları, dəzgahları, sinif otaqları, ümumi olaraq Mərkəzin ərazisi ilə tanış olmuş, tələbələrin əl işlərindən ibarət sərgiyə baxış keçirmişlər. Daha sonra çay süfrəsi arxasında səmimi söhbət aparılmış və Mərkəzin tələbələrinin əl işlərindən ibarət hədiyyələr qonaqlara təqdim edilmişdir.
