Nəbiyev Qalib Təsim oğlu
13 iyul 1977-ci ildə Qəbələ rayonunun Kötüklü kəndində anadan olmuşdur. 1984-1992-ci illərdə Kötüklü kənd tam orta məktəbində, 1992-1994-ci illərdə Bakı şəhəri 5 saylı kimya-biologiya liseyində orta təhsilini başa vurmuşdur.
1994-1998-ci illərdə Azərbaycan Dövlət İqtisad Universitetində Əmtəə bazarında kommersiya fəaliyyətinin təşkili ixtisası üzrə bakalavr təhsili almışdır.
2005-2007-ci illərdə Azərbaycan Dövlət İqtisad Universitetində Maliyyə ixtisası üzrə magistr təhsilini fərqlənmə ilə bitirmişdir.
1998-1999, AR Ədliyyə Nazirliyi Pentensiar xidmətin N saylı h/h – də hərbi xidmət keçmişdir.
2001-2010-cu illərdə Milli QHT Forumu Qəbələ Regional Qeyri-Hökumət Təşkilatlarının Resurs və Təlim Mərkəzində direktor vəzifəsində çalışmışdır.
2004-2008-ci illərdə Qəbələ/Oğuz rayonlarının sosial infrastrukturun bərpası və gəlir gətirən sahələrin inkişafına dəstək proqramı – İsveçrə İqtisadi Əməkdaşlıq Təşkilatında koordinator vəzifəsini icra etmişdir.
2008-2018-ci illərdə “Sosial İqtisadi İnkişafa Dəstək” İctimai Birliyində direktor vəzifəsində çalışmışdır.
2010-2018-ci illərdə “Məcburi köçkünlərin yaşayış səviyyəsinin yaxşılaşdırılması, gəlir imkanlarının artırılması proqramı”nın, “Məcburi köçkün gənclərin məşğulluğunun artırılması” layihəsinin direktoru vəzifəsini icra etmişdir.
2012-2018-ci illərdə İkinci Azərbaycan Kənd İnvestisiya Layihəsində Qrant təsdiq komissiyasının sədri vəzifəsini icra etmişdir.
2016-2020-ci illərdə Milli QHT Forumunun Vitse prezidenti olmuşdur.
2019-cu ildə Azərbaycan Respublikasının Kiçik və Orta Biznesin İnkişafı Agentliyinin Qəbələ – Oğuz rayonları üzrə nümayəndəsi – Mütəxəssis (KOB Dostu) vəifəsini icra etmişdir.
2020-ci ildə Azərbaycan Respublikasının Kiçik və Orta Biznesin İnkişafı Agentliyinin Qəbələ – Oğuz rayonları üzrə nümayəndəsi – Baş mütəxəssis (KOB Dostu, regional supervayzer) vəzifəsini icra etmişdir.
2020-ci ildən Azərbaycan Respublikası Təhsil Nazirliyi Qəbələ Dövlət Peşə Təhsil Mərkəzi publik hüquqi şəxsinin direktoru vəzifəsini icra edir.
Rəsulov Camal Qiyas oğlu
Rəsulov Camal Qiyas oğlu 9 sentyabr 1961-ci ildə Qəbələ şəhərində anadan olmuşdur. Qutqaşın rayon internat məktəbini və 1984-cü ildə Azərbaycan Kənd Təsərrüfatı İnstitunun “Kənd təsərrüfatının mexanikləşdirilməsi” fakultəsini bitirmişdir. 01 sentyabr 1984-cü ildə təyinatla Qutqaşın 141 nömrəli Orta Texniki Peşə Məktəbinə müəllim kimi göndərilmişdir.
1988-1993-cü illərdə baş usta vəzifəsində çalışmışdır.
Yenidən hazırlanma təhsili keçərək riyaziyyat-informatika müəllimi ixtisası almışdır. Dəfələrlə ixtisasartırma kurslarında və təlimlərdə iştirak etmişdir.
1996-cı ildən Tİİ üzrə direktor müavini vəzifəsində işləyir.
Ailəlidir, 2 övladı var.
Məmmədova Reyhan Səhrab qızı
Məmmədova Reyhan Səhrab qızı 25 dekabr 1967-ci ildə Ağdaş rayonunda ziyalı ailəsində anadan olmuşdur. 1975-ci ildə Ağdaş şəhər 2№ li orta məktəbə daxil olmuşdur. 1985-ci ildə Azərbaycan Dövlət Pedaqoji İnstitutunun tarix fakultəsinə daxil olmuşdur. 1990-cı ildə həmin intstitutu tarix, əlavə dövlət hüququ ixtisası üzrə bitirmişdir.
1990-2009-cu illər ərzində Qəbələ şəhər 2№li orta məktəbdə müəllim işləyib. 2009-2021-ci illər ərzində Qəbələ Turizm və Otelçilik üzrə Peşə Tədris Mərkəzində Tİİ üzrə direktor müavini işləmişdir.
1 mart 2021-ci ildən Qəbələ Dövlət Peşə Təhsil Mərkəzində Tərbiyə işləri üzrə direktor müavini vəzifəsində işləyir. Ailəlidir, 2 övladı var.
Rəfiyev Dağlar Azər oğlu
Rəfiyev Dağlar Azər oğlu 27 may 1992-ci ildə Qəbələ rayon Abrıq kəndində anadan olmuş, Abrıq kənd orta məktəbində oxumuşdur. 2013 –cü ildə Fövqəladə Hallar Nazirliyinin Akademiyasın “Yanğın Təhlükəsizliyi mühəndisliyi” ixtisası üzrə leytenant hərbi rütbəsi ilə bitirmişdir. 2013-2015 FHN MMQ N saylı hərbi hissəsində taqım komandiri vəzifəsində xidmət etmişdir.
2017-ci ildən Qəbələ Dövlət Peşə Təhsil Mərkəzində İnzibati-təsərrüfat işləri üzrə direktor müavini vəzifəsində işləyir.
Ailəlidir, 2 övladı var.
Osmanov Bəhruz Əziz oğlu
Osmanov Bəhruz Əziz oğlu 19 iyun 1997-ci ildə Qəbələ şəhərində anadan olmuşdur.
2003-2014-cü illərdə Qəbələ şəhər 4 saylı tam orta məktəbdə orta təhsili başa vurmuşdur.
2014-2018-ci illərdə Azərbaycan Dövlət Aqrar Universitetinin Aqromühəndis ixtisası üzrə bakalavr təhsilini almışdır.
2019-2020-ci illərdə Azərbaycan Respublikasının Silahlı Qüvvələrinin N saylı hərbi hissəsində hərbi xidmət keçmişdir.
2020-2021- illərdə Qəbələ Dövlət Peşə Təhsil Mərkəzində Aqroservis mütəxəssisi ixtisası üzrə İstehsalat təlim ustası vəzifəsində çalışmışdır.
2021-ci il 01 mart tarixində Qəbələ Dövlət Peşə Təhsil Mərkəzində Tədris şöbəsinin baş mütəxəsisi vəzifəsində çalışmışdır.
2021-ci il 03 iyun tarixindən etibarən Qəbələ Dövlət Peşə Təhsil Mərkəzində direktor köməkçisi vəzifəsini icra edir.
Baş usta Səlim Mehdiyev Seyfalı oğlu
Mehdiyev Səlim Seyfalı oğlu 1958-ci ildə martın 21-də Qəbələ rayonunun Əmirvan kəndində anadan olmuşdur. 1973-cü ildə Əmirvan 8 illik məktəbini bitirmiş və həmin ildə Məlikli kənd orta məktəbinə qəbul olunmuş, 1975-ci ildə həmin məktəbin 10-cu sinfini bitirmişdir.
1975-ci ildə Qırmızı Əmək Bayrağı ordenli Belorusiya Politexnik İnstutunun İnşaat üzrə mühəndis-pedoqoji fakültəsinə qəbul olmuşdur. 1980-ci ildə həmin İnstitu bitirmiş və oktyabr ayından təyinatla Qutqaşen 141 nömrəli texniki peşə məktəbinə göndərilmiş və 1990-cı ilin sentyabr ayına kimi həmin məktəbdə işləmişdir.
1990-2003-cü illərdə Kommunal Müəssisələr Kombinatında baş mühəndis, 2003-2005-ci illərdə Qəbələ Təmir-Tikinti Sahəsində rəis, 2005-ci ilin may ayından Qəbələ Su Kanal idarəsində baş mühəndis işləmişdir.
2015-ci ilin sentyabr ayından Qəbələ Peşə Məktəbində təlim ustası vəzifəsinə keçmiş, 2016-cı ildən Təhsil mərkəzində Baş usta vəzifəsində çalışır.
Ailəlidir. 3 övladı var.
İsmayılov Səfa Fikrət oğlu
İsmayılov Səfa Fikrət oğlu 18 yanvar 1978-ci ildə Qəbələ rayonunun Daşca kəndində qulluqçu ailəsində anadan olmuşdur. 1984-cü ildə Daşca kənd ibtidai məktəbin 1-ci sinifinə, 1993-cü ildə isə Zarağan kənd orta məktəbin 9-cu sinifinə qəbul olmuş və 1995-ci ildə həmin məktəbin 10-cu sinifini bitirmişdir.
1995–2000-ci ildə Mingəcevir şəhərində yerləşən San-Marino Beynəlxalq Elmlər Akademiyası Akademik Mərkəzinin Azərbaycan filialının “İstehsalatın İqtisadiyatı və idarə edilməsi” fakultəsində təhsil almışdır.
2000-2001-ci illərdə hərbi xidmətdə olmuşdur.
01 oktyabr 2010-cu ildən 16 may 2016-cı il tarixinədək Qəbələ rayon İcra Hakimiyyətinin Kicik Pirəli kənd İnzibati ərazi dairəsində Baş məsləhətci-baş mühasib vəzifəsində işləmişdir.
2016-cı ildən Qəbələ Dövlət Peşə Təhsil Mərkəzində Baş mühasib vəzifəsində çalışır.