Qəbələ Dövlət Peşə Təhsil Mərkəzinin tələbələri Almaniyada 8 aylıq Təcrübə Proqramında iştirak hüququ qazanmışlar.
Qəbələ Dövlət Peşə Təhsil Mərkəzində kənd təsərrüfatı üzrə təhsil alan bir qrup tələbəsi Alman Əmanət Bankının Maliyyə Qrupunun nümayəndələri tərəfindən keçirilən onlayn müsahibəni mərhələsini uğurla keçmişlər.
Alman Əmanət Bankı Maliyyə Qrupunun nümayəndələri tərəfindən Qəbələ Dövlət Peşə Təhsil Mərkəzinin aqrar ixtisaslarda təhsil alan tələbələrin müsahibəsi baş tutmuşdur.
Müsahibə zamanı 7 tələbə mövzular üzrə ünvanlanmış sualları cavablandırmış və seçim meyarlarına uyğun gəldikləri üçün 8 ay müddətində Cənubi Almaniyada təcrübə keçmək hüququ əldə etmişlər.
Qeyd edək ki, Peşə Təhsili üzrə Dövlət Agentliyinin koordinasiyası ilə Alman Əmanət Bankı Maliyyə Qrupunun nümayəndələri Qəbələ Dövlət Peşə Təhsil Mərkəzində olmuş, Alman Əmanət Bankı Maliyyə Qrupunun nümayəndələri tərəfindən Cənubi Almanyada Təcrübə keçəcək seçilmiş tələbələrə “Fermer biznes oyunu” və “Təsərrüfatın davamlı İdarəedilməsi” adlı təlimlər keçirilmişdir.
Həmin tələbələr alman – dilinin mənimsənilməsi üçün onlayn olaraq təlimlərdə də iştirak etmişdir.
Tələbələrimizi bu uğurları münasibətilə təbrik edirik!
