Qəbələ Dövlət Peşə Təhsil Mərkəzi

Tədbirdə Təhsil Mərkəzinin direktoru Qalib Nəbiyev mərkəzin fəaliyyəti, müxtəlif istiqamətlərdə dərnəklərin təşkilinin əhəmiyyətini bildirərək, əməyi keçən hər kəsə təşəkkürünü bildirib, uğurlu nəticə göstərərək sertifikata layiq görülən dərnək iştirakçılarını təbrik etmişdir.

Daha sonra çıxış edənlər Təhsil Mərkəzi tərəfindən ödənişsiz şəkildə həyata keçirilən dərnəkdə iştirakçıların Sanama tikiş növünün incəliklərini öyrənmələrindən, gənc və yeniyetmələrin asudə vaxtının səmərəli keçirilməsində əhəmiyyətindən danışıblar, belə fəaliyyətlərin təşkilinin dekorativ-tətbiqi sənətin öyrənilməsi və təbliğində xüsusi rolunu vurğulayıblar.

Sonda dərnəyi uğurla bitirən iştirakçılara sertifikatlar təqdim edilib və dərnək iştirakçılarının əl işlərindən ibarət sərgiyə baxış keçirilib.

Tədbir çərçivəsində “ASAN xidmət“ könüllüləri tərəfindən hazırlanmış incəsənət nümunələri ilə yanaşı, Qəbələ Dövlət Peşə Təhsil Mərkəzinin dərnək üzvləri tərəfindən hazırlanmış əl işlərinin də sərgisi və satışı reallaşdırılıb.

Qəbələ Dövlət Peşə Təhsil Mərkəzinin təşəbbüsü ilə, Dövlət Məşğulluq Agentliyi, Azərbaycan Respublikasının Kiçik və Orta Biznesin İnkişaf Agentliyi və Gabala Hospitality Groupun birgə əməkdaşlığı çərçivəsində “Karyera və iş yarmarkası” keçirilib.

Azərbaycan Respublikası Təhsil Nazirliyi ilə Türkiyə Respublikasının Milli Təhsil Nazirliyinin nümayəndə heyəti Qəbələ Dövlət Peşə Təhsil Mərkəzinin fəaliyyəti ilə tanış olmuşlar. Görüş zamanı, 2021-ci il 19 fevral tarixində imzalanan “Azərbaycan Respublikası Hökuməti ilə Türkiyə Respublikası Hökuməti arasında peşə təhsil sahəsində əməkdaşlığa dair Protokol” çərçivəsində iki ölkə arasında bu sahədə əməkdaşlığın inkişaf etdirilməsi istiqamətində bir sıra mühüm məsələlər ətraflı müzakirə edilib. Tərəflər müvafiq Protokol əsasında peşə təhsili üzrə əməkdaşlığın genişləndirilməsi məsələsinin vacibliyini vurğulayıb və yaxın zamanda Azərbaycanda Türkiyə Respublikasının təcrübəsinə əsaslanan iki yeni peşə təhsil müəssisəsinin yaradılmasını qeyd edib.

Peşə təhsili müəssisələrinin binaları, peşə təhsili müəssisələrinə məxsus obyektlər və digər maddi aktivlərdən ibarət əmlakı Azərbaycan tərəfinə aiddir və Türkiyə tərəfi ilə birgə idarə olunacaq.

Peşə təhsili müəssisələrinin qrup sayları, qruplarda tələbə sayı, emalatxana və laboratoriyaların sayı, tədris ləvazimatları, material və avadanlıq ehtiyacları, idman zalı, yataqxananın fiziki vəziyyəti, müəllim heyəti, tədris proqramı, tədris materialları, həftəlik dərs cədvəllərinin  hazırlanması, ehtiyac olduqda yenilənməsi və təhsil fəaliyyətləri üçün lazımi şərtlər Türkiyədəki peşə təhsili təcrübəsi əsas götürülərək və tərəflərin qarşılıqlı razılığına əsasən müəyyən ediləcək.

Sənədə əsasən, sözügedən peşə təhsili müəssisələrində təhsilini başa vuran tələbələrə Azərbaycan və Türkiyənin milli qanunvericiliklərinə uyğun olaraq iki diplom veriləcək.

Tərəflər bu peşə təhsili müəssisələri tərəfindən verilən diplom, transkript, sertifikat və digər sənədləri qarşılıqlı olaraq tanıyacaqlar. 

Görüşün sonunda hər iki tərəfin nümayəndələri qarşılıqlı xatirə hədiyyələri təqdim edib.