Qəbələ Dövlət Peşə Təhsil Mərkəzində tələbə və müəllim kollektivinin iştirakı ilə Qəbələ QHT -nin Resurs Təlim Mərkəzinin dəstəyi ilə E-vətəndaş proqramının təqdimatı keçirilib. Tədbirin təşkilində əsas məqsəd tələbələrin elektron sistemlərdən düzgün istifadəsi və cəmiyyətdə baş verən yeniliklərə qoşulmasının əhəmiyyətini aydınlaşdırmaq idi.
Qəbələ Dövlət Peşə Təhsil Mərkəzində Azərbaycan şairi İmaməddin Nəsiminin 650 illik yubileyinə həsr olunmuş “Nəsimi 650” adlı tədbir keçirib.
Almaniya Beynəlxalq Cəmiyyətinin (GIZ) “Qəbələ, İsmayıllı və Qax rayonlarının kənd təsərrüfatı və turizm sahələrində Dual Peşə Təhsili və Təlim Pilotların yaradılması (Dual PTT)” layihəsi çərçivəsində Qəbələ Dövlət Peşə Təhsil Mərkəzinin “Aqroservis mütəxəssisi” ixtisası üzrə I kurs tələbələri dualabənzər peşə təhsilinə və təliminə hazırlıq mərhələsində işəgötürən müəssisələrin fəaliyyəti ilə tanışlıq məqsədi ilə “Gilan Qəbələ Aqrotexservis” ASC-yə və “Özəl aqroservis” müəssisəsinə səfər etmişlər. Tələbələr bu müəssisələrdə kənd təsərrüfatı texnikasının saxlanması, təmir və texniki xidmət işləri və texnikanın istismarı ilə yaxından tanış olmuşlar.
18 May bütün dünyada “Beynəlxalq Muzeylər Günü” kimi geniş qeyd edilir. Bu münasibətlə Təhsil Mərkəzinin tarix müəllimi Z. Hüseynova və dil - ədəbiyyat müəllimi F. Tağıyevanın rəhbərliyi ilə 14 May tarixində I kurs “Elektrik avadanlıqlarına xidmət və təmir üzrə elektrik montyoru” ixtisası üzrə 341 №-li qrupun tələbələrinin “Qəbələ Tarix – diyarşünaslıq” muzeyinə ekskursiyası təşkil edilmişdir.
07 may 2019-cu il tarixdə Qəbələ Dövlət Peşə Təhsili Mərkəzində Ümummilli lider, dahi şəxsiyyət Heydər Əliyevin anadan olmasının 96-cı il dönümünə həsr olunmuş tədbir keçirilmişdir.
Qəbələ Dövlət Peşə Təhsil Mərkəzində "Mənəvi dəyərlərimizi qoruyaq" adlı tədbir keçirildi. Tədbirdə Mərkəzin I kurs tələbələri və müəllimlər iştirak edirdilər. Tədbirin keçirilməsində məqsəd milli-mənəvi dəyərlərimizi qorunmasının vacibliyini tələbələrə aşılamaq olmuşdur.
25 aprel 2019-cu il tarixində Qəbələ Dövlət Peşə Təhsil Mərkəzində “Plastik tullantılar və onların ətraf mühitə mənfi təsiri”nə dair maarifləndirici tədbir keçirildi. Tədbiri Təhsil Mərkəzinin biologiya müəllimi Turanə Çələbizadə və kimya müəllimi Nigar Məmmədova aparırdılar.
29 mart 2019-cu il tarixdə Qəbələ Dövlət Peşə Təhsili Mərkəzində 31 mart Azərbaycanlıların Soyqırımı Gününə həsr olunmuş tədbir keçirilmişdir. Tədbirdə Mərkəzin tələbə- müəllim heyəti iştirak etmişlər.
18 mart 2019-cu il tarixdə Bərdə Peşə Liseyinin mühəndis – pedaqoji heyətinin 20 nəfərədək əməkdaşı Qəbələ Dövlət Peşə Təhsil Mərkəzinə səfər etmişlər. Səfərin əsas məqsədi modul tipli təhsil proqramları və kurikulumlar üzrə tədris prosesinin təşkili, tədris planlaşdırıcı sənədlərin aparılması, istehsalat təcrübəsinin təşkili və metodiki işlərin məzmunu ilə tanışlıq olmuşdur.
26 fevral tarixdə Qəbələ Dövlət Peşə Təhsil Mərkəzində "Xocalı faciəsi"nə həsr olunmuş tədbir keçirilmişdir. Xocalı şəhidlərinin ruhu bir dəqiqəlik sükutla yad edildi.