Əziz abituriyentlər!
Siz orta məktəblərin IX və ya XI siniflərini bitirib, yeni bir həyatın astanasındadısınız. Qəbələ Peşə məktəbinə qəbul olunaraq, Siz özünüzə xüsusi yol seçərsiniz-bu yol peşəkarlıqdan keçən bir yoldur. Bu doğru və çətin bir yoldur və hər kəsə qismət olmayan bir yoldur.
Peşə məktəbində təhsil almaq-böyüklərin həyatına bir pilləkəndir: bu yol gənc oğlan və qızları ciddi, məsuliyyətli edir. İndi ölkəmizə gənclərin peşəkar əlləri lazımdır. İlk peşə-ixtisas təhsilli gənclərə hər zaman, hər yerdə tələbat vardır.
Sizin gələcək rifahınız Sizin özünüzdən daha çox asılıdır. Siz sənətkar olmaqla özünüzə gələcəyi təmin etmiş olarsınız. Sizdən yorulmadan çalışmaq, peşə vərdişlərinə yiyələnmək, fəal vətəndaş olmaq tələb olunur.
Qəbələ Peşə məktəbində təhsil alan zaman öz peşənizə və ixtisasınıza maraq göstərin ki, yaxşı sənətkar olmaqla qarşınızda peşə karyeranızı qurmaq üçün yollar açılsın. Unutmayın ki, bir çox məşhur adamlar peşə məktəbindən başlamışlar.
Peşə bilikləri, peşə kompetensiyaları müasir mütəxəssis üçün vacibdir. Bu kompetensiyalara Siz Qəbələ Peşə məktəbində yiyələnə bilərsiniz. Məktəbdə sizin peşə vərdişlərinə və bacarıqlarına yiyələnməyiniz üçün şərait yaradılır və mövcud olan təkmilləşdirilir. Ən başlıcası isə-əsl insan olmaq, etibarlı peşə sahibi olmaq və layiqli iş tapmaqdır.
Bütün başlanğıclarda Sizə uğurlar arzulayırıq!
Peşə seçməyə bizə gəlin. Çünki, peşəkar həyata yol bizdən başlanır. Yolunuzu gözləyirik!
Qəbələ Peşə məktəbinin direktoru Azad Məmmədov