Qəbələ Dövlət Peşə Təhsil Mərkəzi və Bursa Şehit Erol Olçok Mesleki ve Teknik Anadolu Lisesi arasında onlayn əməkdaşlıq görüşü!

Qəbələ Dövlət Peşə Təhsil Mərkəzi ilə Türkiyənin Bursa Şehit Erol Olçok Mesleki ve Teknik Anadolu Lisesi arasında birgə təlimlərin təşkili məqsədilə onlayn görüş keçirilib.

Görüşdə təlim proqramının məzmunu, iştirakçılar və planlaşdırılan fəaliyyətlər barədə geniş fikir mübadiləsi aparılıb.

Qarşılıqlı müzakirələrdə əməkdaşlığın müəllim və tələbələrin peşəkar inkişafına töhfə verəcəyi bildirilmiş, turizmin müxtəlif alt sahələrini əhatə edən təlim proqramının hazırlanması təklif olunmuşdur.