Author: admin-qebele

İclasda Mərkəzin direktoru Qalib Nəbiyev 2021-2022 - ci tədris ilinin l yarısının yekunları və ll yarımildə qarşıda duran məsələlər, yeni dərs ilində mərkəzə tələbə qəbulu aparılması üçün əmək bazarının öyrənilməsi vəziyyəti və mərkəzə tələbə qəbulu üçün ixtisasların seçilməsi və təsdiqi barədə məlumatlar vermişdir. Tədris istehsalat işləri üzrə direktor müavini Camal Rəsulov istehsalat təlimindən TNQ-nin qiymətləndirilməsinin aparılması vəziyyəti, modullar üzrə TNQ-nin aparılması vəziyyəti haqqında danışmışdır.

Vətənin azadlığı və suverenliyi uğrunda canlarını fəda etmiş oğul və qızlarımızın xatirəsi yad edilmiş, məzarları üstünə qərənfillər düzülmüşdür. Allahdan bütün şəhidlərimizə rəhmət diləyirik!

Mərkəzin 2021-2022- ci tədris ilində müxtəlif ixtisaslar üzrə 39 qrupda 641 tələbə təhsil alır. Onlardan tədrisdə fərqləndiklərinə, Mərkəzin ictimai həyatında fəal iştirak etdiklərinə, idmanda yüksək nəticələr göstərdiklərinə görə 91 nəfər tələbə rəhbərlik tərəfindən "Fəxri Fərman"la təltif olunmuşlar. Təltif olunan tələbələri təbrik edir, onlara daha yüksək nəaliyyətlər arzu edirik!

Tədbirdə 20 Yanvar şəhidlərinin əziz xatirəsi bir dəqiqəlik sükutla yad edilib. Çıxış edən Mərkəzin direktoru Qalib Nəbiyev, Mərkəzin Mülki Müdafiə Qərargah rəisi, II Qarabağ Müharibəsinin iştirakçısı İlham Əfəndiyev Qanlı Yanvar hadisələri zamanı xalqımızın başına gətirilən müsibətlərdən və Azərbaycan xalqının azadlıq mübarizəsindən danışıblar. Qeyd olunub ki, 20 Yanvar faciəsinə, xalqımıza qarşı törədilən bu qanlı və qəddar aksiyaya məhz ulu öndər Heydər Əliyevin 1993-cü ildə Azərbaycana hakimiyyətə qayıdışından sonra siyasi-hüquqi qiymət verilmişdir.

Görüşdə tələbələrin "Qafqaz - Qəbələ" MMC-nin otellərində keçdikləri praktiki təcrübələr nəticəsində əldə etdikləri bacarıqları, nəaliyyətləri haqqında danışılıb. Bir illik tədris müddətinin sonunda tələbələr həm nəzəri biliklər əldə edəcək, həm də “Qafqaz-Qəbələ” MMC-nin otellərində təcrübə qazanaraq diplom əldə edəcəklər. Həmçinin tələbələr Mərkəzin tikiş emalatxanasında onlar üçün hazırlanmış yeni formalarla tanış olmuşlar.

Təlimdə Təhsilalanlarla iş şöbəsinin müdiri Anar Məhərrəmov tərəfindən Danışıq aparma bacarıqları üzrə zəruri bilik və vərdişlərə yiyələnmənin iş həyatında rolu, Natiqlik nədir, Natiqlik sənətinin tarixi, effektiv nitq üçün vacib keyfiyyətlər, Natiqliyin növləri, verbal və qeyri-verbal ünsiyyət vasitələri və s. haqqında geniş məlumat verilib. Daha sonra təlim iştirakçıları üçün praktiki tapşırıqlar həyata keçirilib. Sonda mövzu ilə bağlı iştirakçıların sualları cavablandırılıb.

Ekskursiya çərçivəsində tələbələr "Azərbaycan tarixi" modulu üzrə öyrəndikləri nəzəri bilikləri əyani olaraq görmə imkanı əldə ediblər. Eyni zamanda Qədim Albaniyanın tarixi və mədəniyyəti ilə bağlı maraqlı informasiyalar öyrənmək imkanı qazanıblar. Ekskursiyada qoruqdakı arxeoloji qazıntılarla tanışlıqla yanaşı muzey kompleksində olan maraqlı tarixi eksponatlara baxış keçirmişlər.

Mərkəzin emalatxanasında işəgötürənlərlə əməkdaşlıq çərçivəsində sifarişlər qəbul olunaraq, digər məhsulların istehsalına başlanılacaqdır. Qeyd olunan fəaliyyətlər bu sahə üzrə təhsil alan tələbələrin yerində istehsalat təcrübəsi keçməsinə imkanlar yaratmaqla yanaşı, Mərkəzin gəlir imkanlarını artıracaqdır.

Tədbirdə Mərkəzin mühəndis-pedoqoji heyəti və tələbələr iştirak ediblər. İlk öncə işğaldan azad edilən torpaqlarımız haqda video görüntülər izlənilib. Daha sonra Mərkəzin direktoru Qalib Nəbiyev tədbir iştirakçılarını salamlayaraq, hər kəsi bu əlamətdar günlər münasibətilə təbrik edib, ən xoş arzularını çatdırıb.

Dünya Azərbaycanlılarının Həmrəylik Günü və Yeni il münasibətilə Azərbaycan Uşaqlar Birliyinin sədri Uşaq Sığınacağı-Reinteqrasiya Mərkəzinin təsisçisi Kəmalə Ağazadə Qəbələ Günərzi Qayğı Mərkəzində uşaqların qonağı olmuş, benefisiarlara bayram hədiyyələri paylamışdır. Təhsil Mərkəzinin direktoru Qalib Nəbiyev və Kəmalə xanım uşaqları və Qayğı Mərkəzinin kollektivini təbrik etmiş, onlara Yeni il arzularını bildirmişlər.