Author: Əhməd Əhmədli

Yarmarkada qonaqlara Mərkəzimizdə turizm, ictimai iaşə və iqtisadiyyatın digər sahələri istiqamətində təhsil alan tələbələrin əl işlərindən ibarət sərgilər, ustad dərsləri və müxtəlif fəaliyyətlər nümayiş etdirilib.

Qeyd edək ki, Regionlarda fəaliyyət göstərən mikro, kiçik və orta sahibkarlıq subyektlərinin məhsul və xidmətlərinin tanıdılması və satış imkanlarının genişləndirilməsi məqsədilə Kiçik və Orta Biznesin İnkişafı Agentliyinin (KOBİA) təşkilatçılığı ilə bölgələrdə keçirilən “KOB Fest” sərgi-satış yarmarkaları davam edir.

Göyçay rayonunda keçirilən “KOB Fest” sərgi-satış yarmarkası cari il ərzində təşkil olunmuş sayca 9-cu tədbirdir. Bundan əvvəl “KOB-Fest” sərgi-satış yarmarkaları Bakıda, Göygöldə, Şəkidə, Gəncədə, Masallıda, Naxçıvanda, Zaqatalada və Xaçmazda təşkil edilib. Bu yarmarkalarda ümumilikdə 380-dən çox KOB subyekti və yaradıcı şəxslərin məhsul və xidmətləri təqdim olunub və satışı həyata keçirilib.

https://www.facebook.com/share/p/146aKCkFjd/

https://www.instagram.com/p/DDJmNJ9If3z/?img_index=1

Azərbaycan Respublikasının Gənclər və İdman Nazirliyi tərəfindən “Gənclər təşkilatlarının fəaliyyətlərinin dəstəklənməsi” məqsədi ilə 2024-cü il üzrə elan edilmiş qrant müsabiqəsi çərçivəsində “Gənclərin Anti-Narkomaniya” ictimai birliyi “Gənclər Narkotikə yox deyir şuarı altında regional konfranslar” layihəsinin icrasına start verildi. İlk konfrans Qəbələ Dövlət Peşə Təhsil Mərkəzində keçirildi. Konfransda Daxili İşlər Nazirliyinin Baş Narkotiklərlə Mübarizə İdarəsinin Xüsusilə Mühüm İşlər üzrə Baş Əməliyyat Müvəkkili Polis polkovnik-leytenant Natiq İsbatov, Qəbələ Dövlət Peşə Təhsil Mərkəzinin Direktor müavini Reyhan Məmmədova, Qəbələ Rayon İcra Hakimiyyətinin Hüquq Şöbəsin müdiri Pərvin Pənahov, Qəbələ Təhsil Sektorunun müdiri Arifə Bayramova, YAP Qəbələ rayon təşkilatının əməkdaşı David Musazadə, Şəki-Zaqatala Regional Gənclər və İdman İdarəsinin əməkdaşları, Qəbələ rayonu Hacalı kənd imamı Mehman Şəfiyev, Gənclərin Anti-Narkomaniya İctimai Birliyinin idarə heyətinin üzvü, Qəbələ rayon üzrə koordinatoru Xəyal Məmmədəliyev iştirak edirdilər.

Qeyd edək ki, 3 ay müddətində icra olunacaq layihənin rəhbəri Büllur Məmmədovadır.

Layihənin ideası Azərbaycanın narkotiklərin geniş yayıldığı, interaktiv xəritədə qırmızı və sarı zonalara daxil olan rayon və şəhərlərində gənclərin narkomaniyaya qarşı mübarizə bilgilərini artırmaq, narkomaniya ilə mübarizə mədəniyyətini təkmilləşdirməkdən ibarətdir.

Layihənin qısa məzmunu ondan ibarətdir ki, gənclərin narkotik vasitələrdən asılılığının əvvəlcədən qarşısını almaq məqsədilə regionlarda konfranslar təşkil olunur.

Məqsəd ölkəmizdə gənclərin narkotik maddələrdən asılılığının qarşısını almaq və ümumiyyətlə buna yol verməmək, bunun üçün qabaqlayıcı maarifləndirmə tədbirləri təşkil etmək, yeni nəsil nümayəndələrinin sağlam həyat tərzi sürməyə üstünlük verməklə narkotik maddə istifadə etmək təhlükəsindən uzaqlaşmalarına, narkotik maddə istifadəçisi olan gənclərin statistikasında sürətli şəkildə azalmaya nail olmaqdır.

https://www.facebook.com/share/p/14dyNratMp/

https://www.instagram.com/p/DDHlLEOsxWH/?img_index=1

“TABİA Group” MMC Qəbələ Dövlət Peşə Təhsil Mərkəzinin rəhbər, mühəndis pedaqoji heyət və tələbələri ilə görüş keçirmişdir.

Qəbələ Dövlət Peşə Təhsil Mərkəzi və “TABİA Group” MMC arasında əməkdaşlığın növbəti addımı olaraq Mərkəzin müəllim və tələbələri ilə görüş keçirmiş, turizm və xidmət istiqamətləri üzrə ixtisaslı kadrların hazırlanması üzrə fəaliyyət istiqamətləri müzakirə edilmişdir.

Turizm və hotelçilik sahəsində fəaliyyət göstərən “TABİA Group” MMC-nin məsul əməkdaşları tələbələrə şirkətin tabeliyində fəaliyyət göstərən hotellər, hotellərin fəaliyyət istiqamətləri barədə təqdimatlar etmişlər.

Görüş zamanı əmək bazarının tələblərinə uyğun kadr hazırlığının dəstəklənməsi məqsədilə imzalanmış Anlaşma Memorandumuna əsasən “TABİA Group” MMC-nin tabeliyində olan hotellərdə tələbələrin istehsalat təcrübəsi, təlimi keçməsi prosesi razılaşdırılmışdır.

Qeyd edək ki, Memorandum çərçivəsində turizm və xidmət istiqamətləri üzrə ixtisaslı kadrların hazırlanması, onların bilik və bacarıqlarının artırılması, DUAL proqramların tətbiqi, tədris proqramlarının və təlimin keyfiyyətinin yüksəldilməsinin təmin edilməsi, eləcə də əmək bazarının dəyişən tələblərinə cavab verən yeni ixtisasların açılması məqsədilə müəssisələr arasında əməkdaşlıq nəzərdə tutulur.

https://www.facebook.com/share/p/14nTghV4ua/

https://www.instagram.com/p/DDEP46Os8DI/?img_index=1

Mərkəzin Azərbaycan dili və ədəbiyyat müəllimi Tağıyeva Fatimə tərəfindən təşkil olunmuş Xüsusi dərsdə Azərbaycan ədəbiyyatında təbiət və onun mühafizəsi,yaşıl aləm mövzusu necə əks olunması məsələsi barədə geniş məlumat verilmiş, tələbələrin təqdimatında mövzu ilə bağlı şeir və məlumatlar dinlənilmişdir.

Sonda tələbələr tərəfindən “Yaşıl dünya naminə həmrəy olaq ” başlığı altında hazırlanmış sosial əhəmiyyətli video-çarx nümayiş olunmuşdur.

https://www.facebook.com/share/p/1N6FkLa7Jy/

https://www.instagram.com/p/DC9eR_9MBra/?img_index=1

Tələbələrimiz dərsdən sonra Mərkəzin idman zalında məşqlər edir, meydançada müxtəlif oyunlar oynayır, kitabxanadan istifadə edir, tədrisdən kənar boş vaxtlarında öz hobbiləri ilə məşqul olurlar.

Bütün bunlar yataqxana sakinlərinin bir ailə kimi inteqrasiyasına, asudə vaxtlarını mənalı keçirmələrinə, pis vərdişlərdən uzaq olmalarına, təlim və tədrisdə yüksək nailiyyətlər əldə etmələrinə imkan yaradır.

Tələbələrimizə uğurlar arzulayırıq

Qəbələ Dövlət Peşə Təhsil Mərkəzində müəllifləri Emin Baratoğlu və Eldar Quliyevin olduğu şəhid Vasif Süleymanova həsr edilmiş “Vasifsiz keçən günlər” adlı kitabın təqdimatı keçirilib.

Mərkəzin direktor müavini Reyhan Məmmədova tədbiri giriş sözü ilə açaraq, şəhidimiz Vasif Süleymanova həsr edilmiş kitabın ictimai, mədəni və maarifləndirici mahiyyətini izah edib. Sonra Azərbaycan Respublikasının Dövlət Himni səsləndirilib. Ardınca şəhidlərin xatirəsi 1 dəqiqəlik sükutla yad edilib.

Tədbirdə şəhidin ailə üzvləri, o cümlədən Qəbələ şəhid ailələrinin üzvləri, ictimai təşkilatların təmsilçiləri, ziyalılar, qonaqlar və media nümayəndələri iştirak ediblər.

Çıxış edənlər şəhid Vasif Süleymanova həsr olunmuş “Vasifsiz keçən günlər” kitabının 44 günlük şanlı Vətən müharibəmizin zəfər salnaməsinə dəyərli töhfə olduğunu bildiriblər və müəlliflərə təşəkkür ediblər, şəhidlərə aid kitabların yazılması cəmiyyətdə çox müsbət bir təmayüldür və vətənpərvərlik ideyalarının inkişafına xidmət etməsini vurğulayıblar.

Tədbirdə Dünya Azərbaycanlıları Mədəniyyət Mərkəzi Sabitlik və inkişaf Mərkəzinin Qəbələ rayon nümayəndəliyinin rəhbəri Təranə Alməmmədova tərəfindən “Vasifsiz keçən günlər” kitabının müəlliflərindən biri olan Emin Baratoğluna Fəxri Diplom təqdim olunub və şəhidin anası Sevinc Süleymanovaya gül dəstəsi hədiyyə edilib.

Tədbirin gedişində şəhid Vasif Süleymanovun həyatından bəhs edən videoçarx nümayiş etdirilib

Sonda təqdimatı keçirilən “Vasifsiz keçən günlər” kitabı iştirakçılara paylanılıb

Qəbələ Dövlət Peşə Təhsil Mərkəzində Dual təhsil üzrə “Turizm sahəsində iaşə üzrə mütəxəssis”, “Aşpaz”, “Qənnadçı-şirniyyatçı”, “Rabitə avadanlıqlarının quraşdırıcısı”, “Avtomobillərin təmiri çilingəri”, “Arıçı” və “Mehmanxana inzibatçısı” qrupunun İstehsalat təlimləri davam edir.

İstehsalat təlimi müəssisənin daxili iş planı üzrə həyata keçirilir. Tələbələr müəssisə tərəfindən cəlb olunan mentorlar tərəfindən təhlükəsizlik qaydaları ilə təlimatlandırılır, iş rejimi ilə tanış olurlar.

Həyata keçirilən əməkdaşlıq üzrə tələbələrə nəzəri biliklər tədris olunmaqla yanaşı, dual tədris proqramı əsasında təlimlər davam edir.

Qeyd edək ki, İstehsalat təlimlərində fəal iştirak etmiş tələbələrimiz işəgötürən müəssisələr tərəfindən rəsmi əmək fəaliyyətinə cəlb olunurlar

Tədbirdə çıxış edənlər Ombudsman tərəfindən hər il olduğu kimi bu ildə Konvensiyanın qəbul olunmasının ildönümü ərəfəsində 20 oktyabr- 20 noyabr tarixlərində “Uşaq hüquqları aylığı” çərçivəsində keçirilən tədbirlərin məqsədinin uşaqlara diqqətin daha da artırılması, uşaq hüquqlarının qorunması işinin yaxşılaşdırılmasından ibarət olduğunu iştirakçıların diqqətinə çatdırıblar. Uşaq hüquqlarının yaranma tarixi, milli və beynəlxalq qanunvericilik, dövlət tərəfindən uşaq hüquqlarının müdafiəsi sahəsində görülən işlər barədə ətraflı məlumat verilib.

İştirakçılara insan hüquqları anlayışı, mahiyyəti, beynəlxalq hüquqda yeri, tarixi inkişaf dinamikası, müxtəlif meyarlar üzrə təsnifatı, insan hüquq və azadlıqlarının kataloqunu, ayrı-ayrı növlərini müəyyən edən beynəlxalq sənədlər barədə məlumat verilib.

Azərbaycanda insan hüquqları sahəsində, xüsusilə əmək və sosial hüquqlarının həyata keçirilməsi istiqamətində görülən işlər və aparılan islahatlar qeyd edilib.

İştirakçılara “İnsan hüquqları nədir” mövzusunda videoçarx nümayiş etdirilib

Mərkəzin İstehsalat təlim ustası Nigar Məmmədova tərəfindən keçirilən Açıq dərsdə Azərbaycanın, dünyanın bir sıra qabaqcıl dövlətlərinin qlobal su problemləri ilə üzləşdiyi qeyd edilib. Mövcud su ehtiyatlarından səmərəli istifadənin, suyun bərabər bölgüsünün, su mənbələrinin çirklənmədən etibarlı mühafizəsinin ciddi əhəmiyyət kəsb etdiyi bildirilib. Tələbələrlə su böhranının səbəbləri, çirklənmiş su təchizatı, içməli su ehtiyatları və gələcək üçün həlli yolları barəsində müzakirələr aparılıb. Tələbələrin sualları cavablandırılıb, bu sahədə görülən işlər ətrafında fikirləri dinlənilib.

Tələbələrə slaydlar, video-çarxlar təqdim olunaraq, Qlobal su problemi, qarşısının alınması haqqında məlumatlar verilib