Əməkdaşlarımızın tədbirdə iştirakının məqsədi dünya arıçılığı ilə tanışlıq, qida təhlükəsizliyini və texnik bilgilər artırmaq, o cümlədən arıçılıq məhsullarını təbliğini təmin etməkdir. Tədbirdə, ölkəmizdə istehsal olunan arıçılıq məhsullarının dünyaya tanıdılması və digər ölkələrdə istehsal edilən balların tanınması məqsədiylə xarici ekspert münsiflər heyətinin sədri, münsiflər heyəti üzvləri və beynəlxalq meyarlar əsasında qiymətləndirmə prosesində bal müsabiqəsi keçirilib. Arıçılıq sektorunda fəaliyyət göstərən milli və beynəlxalq şirkətlərin öz məhsullarını və işlərini təbliğ edə biləcəyi stendlərin açılması üçün qapalı və açıq sərgi sahələri yaradılıb.
Qeyd edək ki, Kongresdə iştiraketmə hədəflərindən biri də arıçılarımızın nəzəri biliklərə yiyələnməsi və praktiki məsələlərdə təcrübələrini artırması olmuşdur.
Mərkəzin İngilis dili müəllimləri tərəfindən keçirilən Xüsusi dərs Azərbaycan Respublikasının Dövlət Himninin səsləndirilməsi və şəhidlərimizin xatirəsinin bir dəqiqəlik sükutla yad edilməsi ilə başlayıb.
Dərsdə Ali Baş Komandan İlham Əliyevin rəhbərliyi altında Müzəffər Ordumuzun Ermənistanın hərbi təxribatlarının qarşısını almaq məqsədilə 2020-ci ilin sentyabrın 27-dən etibarən başladığı zəfər yürüşündən, 44 gün davam edən hərbi əməliyyatlar nəticəsində işğal altında olan 300-dən çox yaşayış məntəqəsinin, o cümlədən xalqımız üçün böyük əhəmiyyət kəsb edən və rəmzi məna daşıyan Şuşa şəhərinin dünya hərb tarixinə düşəcək unikal hərbi əməliyyatlar nəticəsində azad edilməsindən bəhs olunub. Şanlı tariximizə qızıl hərflərlə yazılmış Zəfər Gününün əldə olunmasında Qəbələ Dövlət Peşə Təhsil Mərkəzinin məzunlarının qəhrəmanlıq göstərdiyi bildirilib, onların arasında qazi və şəhidlərin olduğu diqqətə çatdırılıb.
Daha sonra Zəfər Gününə həsr olunan videoçarxlar izlənilib və bu mövzu ətrafında danışılıb
İclasda Təhsil Mərkəzinin direktoru “Peşə təhsili müəssisəsinin institusional akkreditasiyası üzrə özünütəhlil hesabatının müzakirəsi və təsdiqi”, 2024-2025-ci tədris ilində qəbul olmuş tələbələrlə aparılan mədəni-kütləvi və tərbiyə işlərinin vəziyyəti, tələbələrin dərsə davamiyyətinin vəziyyəti, mühəndis pedoqoji heyət üzvlərinə maddi dəstək göstərilməsi barədə İlk Həmkarlar Taşkilatı Komitəsinin təqdimatı barədə və cari məsələlər barədə mühəndis-pedoqoji heyətlə müzakirələr aparmış, tövsiyyələr və tapşırıqlar vermişdir.
Direktor müavinləri tərəfindən tədris-planlaşdırıcı və uçot sənədlərinin, tədris jurnallarının aparılması vəziyyəti, mərkəzin inventar və avadanlıqlarının qorunub saxlanması vəziyyəti, Dual Peşə Təhsili və Təlimi qruplarında tədrisin təşkili vəziyyəti, sinif rəhbərlərinin qruplarda apardığı tərbiyə işlərinə dair məlumatlar verilmiş, hesabatlar dinlənilmişdir
Turizm və hotelçilik sahəsində fəaliyyət göstərən “TABİA Group” MMC qonaqpərvərlikdə yeni bir dövrü kəşf etmək üçün çox əlçatan imkanlar yaradır, insanların rifahına və real təcrübələrə dərin bağlılıq nümayiş etdirir. Şirkət Azərbaycanın zəngin mədəniyyətindən, sağlamlıq xidmətlərinin innovasiyasına qədər, hər kəs üçün bənzərsiz bir təcrübə təqdim edir.
Qəbələ Dövlət Peşə Təhsil Mərkəzi və “TABİA Group” MMC arasında əmək bazarının tələblərinə uyğun kadr hazırlığının dəstəklənməsi məqsədilə Anlaşma Memorandumu imzalanması ilə bağlı görüş keçirilib.
Memorandum çərçivəsində turizm və xidmət istiqamətləri üzrə ixtisaslı kadrların hazırlanması, onların bilik və bacarıqlarının artırılması, dual proqramların yaradılması, tədris proqramlarının və təlimin keyfiyyətinin yüksəldilməsinin təmin edilməsi, eləcə də əmək bazarının dəyişən tələblərinə cavab verən yeni ixtisasların açılması məqsədilə müəssisələr arasında əməkdaşlıq nəzərdə tutulur.
Qeyd edək ki, görüşdə müəssisələrin gələcək qarşılıqlı əməkdaşlıqlarının formalaşdırılması və təhsilalanların təcrübə əldə etməsi istiqamətində tərəfdaşlığı inkişaf etdirmək niyyəti ifadə olunub. Tələbələrimizin “TABİA Group” MMC-nin turizm müəssisələrində təcrübə keçməsi üçün imkanlar müzakirə edilib
Qəbələ Dövlət Peşə Təhsil Mərkəzinin və Heyvandarlıq Elmi Tədqiqat İnstitutu arasında bağlanmış elmi-texniki əməkdaşlıq müqaviləsi çərçivəsində Qəbələ Dövlət Peşə Təhsil Mərkəzinin tələbələri instituta səfər edib. Səfər zamanı institutun direktoru Mahir Hacıyev institut və onun fəaliyyət instiqamətləri, tətbiq edilən innovativ texnologiyalar, aparılan tədqiqat işləri, icra edilən layihələr haqqında geniş təqdimat etdi. Daha sonra institutun “Genetik tədqiqatlar və embrion transferi” laboratoriyasının müdiri Rəşad Məhərrəmov tərəfindən institutda aparılan müasir laboratoriyalar və orada aparılan analizlər barədə tələbələrə geniş məlumat verildi
Qəbələ Dövlət Peşə Təhsil Mərkəzinin və Gənclərin İnkişaf və Karyera Mərkəzi Dağlıq Şirvan regional nümayəndəliyinin Qəbələ bölməsininin təşkilatçılığı ilə “8 Noyabr – Zəfər Günü”nə həsr olunmuş intellektual yarış keçirilib.
Yarış Azərbaycan Respublikasının Dövlət Himni səsləndirilməsi ilə başlayıb. Daha sonra Ulu Öndər Heydər Əliyevin və torpaqlarımızın azadlığı uğrunda canından keçərək şəhadətə ucalmış şəhidlərimizin xatirəsi 1 dəqiqəlik sükutla yad edilib.
14 komanda arasında keçirilən yarışda 44 günlük Vətən müharibəsi, Milli Qəhrəmanlarımız və Qarabağın tarixinə dair suallar cavablandırılıb. Yarışın nəticələrinə görə “Xocalı” komandası I yeri, “Zəngilan” komandası II yeri, “Polad Həşimov”” komandası III yeri tutub.
Mərkəzin psixoloqu və istehsalat təlimi ustası tərəfindən təşkil olunan tədbirdə “İnsan alveri” istismar məqsədi ilə insanların cəlb edilməsi, daşınması, hədələyərək, güc tətbiq edərək qorxudulması, oğurlanması, aldadılması kimi üsullarla insanlara qarşı zorakılıq barədə maarifləndirici məlumatlar verilib. Həmçinin bildirilib ki, yaşından və cinsindən asılı olmayaraq hər bir şəxs insan alverçilərinin qurbanı ola bilər. İnsan alverinin qurbanı olmamaq üçün nələrə diqqət etməyin vacibliyi izah edilib.
Tədbirin sonunda iştirakçıları maraqlandıran suallar cavablandırılıb
Tədbir Azərbaycan Respublikasının Dövlət Himninin səsləndirilməsi ilə başlanıb və Azərbaycanın suverenliyi, müstəqilliyi, ərazi bütövlüyü uğrunda canından keçən şəhidlərimizin əziz xatirəsi 1 dəqiqəlik sükutla yad edilib.
Tədbirdə gənclərin ekologiya (COP29), vətənpərvərlik, sahibkarlıq, karyera və rəqəmsal alətlərdən effektiv istifadə mövzularında peşəkar şəxslərlə, eləcə də bir sıra tərəfdaş qurumların nümayəndələri ilə görüşləri təşkil edilib. Daha sonra gənclər üçün “Gənclər siyasəti və dövlətçilik”, “Zərərli vərdişlərə yox deyək”, “Peşə seçimi və karyera” və “Sağlam və təhlükəsiz həyat” mövzularında təlim sessiyaları keçirilib.
Səyyar Gənclər Xidməti çərçivəsində kənd gəncləri üçün müxtəlif sahələr – robototexnika, rəsm çəkmə, 3D printer və qələm, tətbiqi şəbəkə sənəti üzrə keçirilən master-klaslarla yanaşı STEAM formatlı innovativ sərgi, gənclərin “Yaşıl dünya naminə həmrəylik ili”nə həsr edilmiş süni intellekt alətləri ilə yaratdıqları təsvirlər və rəsm əsərləri, virtual eynəklə virtual səyahət, gənclər üçün şəxsi anketin (CV) yaradılması xidməti də yer alıb. Bunlarla yanaşı, layihədə nəzərdə tutulmuş yarış və oyun proqramları çərçivəsində gənclər arasında vətənpərvərlik mövzusunda “Xəmsə” intellektual oyunu, Azərbaycan xəritəsinin pazl lövhə üzərində qurulması yarışı, stolüstü futbol və labirint yarışı, darts oyun çempionatı, çölçü oyun yarışı, “Jenga” oyunu, kəndir dartma yarışı baş tutub.
Yarışlarda fəallıqları ilə seçilən gənclər mükafatlandırılıb
Qəbələ Dövlət Peşə Təhsil Mərkəzinin və Qəbələ Rayon İcra Hakimiyyətinin dəstəyi ilə şəhid Rüstəm Atakişiyevin bacısı Həzin Atakişiyevanın müəllifi olduğu şəhidimizə həsr olunmuş “Hər şeyin bitdiyi yerdə xüsusi təyinatlılar başlar” adlı kitabın təqdimatı keçirilib.
Tədbirdə çıxış edən Mərkəzin direktoru Qalib Nəbiyev 44 günlük Vətən müharibəsində əldə etdiyimiz qələbəni təmin edən amillərdən danışıb və təqdimatı keçirilən kitabın zəfər tariximizə bir töhfə olduğunu bildirib. Direktor müavini Reyhan Məmmədova çıxış edərək, təqdimatı keçirilən kitabın ümumi ictimai əhəmiyyətindən danışıb. Ardınca ilahiyyatçı Mehman Şəfiyev və kitabın müəllifi Həzin Atakişiyeva çıxış ediblər. Onlar öz çıxışlarında kitabla əlaqədar vacib məqamlara toxunublar. Şəhid valideynlərindən Cəlil Xeyirbəy, Qızbəs Musazadə, eləcədə ziyalılar Mirhəsən Ağayev, Telman Abdulxalıqov, Nəbi Kəlbiyev, habelə şəhidin döyüş yoldaşı Fuad Yəhyazadə də tədbirdə çıxış ediblər. Onlar öz çıxışlarında müəllif Həzin Atakişiyevanın öz şəhid qardaşı haqqında kitab yazmasını sevindirici bir fakt olaraq, səciyyələndiriblər. Ardınca Şuşa Rayon 24 nömrəli tam orta məktəbin şagirdlərinin ifasında ədəbi – bədii kompozisiya təqdim edilib.
Tədbirin gedişində şəhid Rüstəm Atakişiyevə aid fotolardan ibarət videoçarx nümayiş olunub
Qəbələ Dövlət Peşə Təhsil Mərkəzində Azərbaycan Gənclər Fondunun maliyyə dəstəyi, “Qəbələ Regional Gənclərin Resurs Mərkəzi” ictimai birliyi tərəfindən, Qəbələ rayonunda “Eko könüllü” gənclər arasında ekoloji maarifləndirmənin təşviq edilməsi adlı layihənin icrası baş tutub.
Əsas məqsədi, gənclərin ekoloji biliklərini artırmaq, ekoloji şüuru inkişaf etdirmək və onların təbiətin qorunmasında aktiv rol oynamalarını təşviq etmək olan layihə ekoloji təhsilin inkişafı, gənclərin ekoloji təşəbbüslərdə iştirakını stimullaşdırmaq və ekoloji problemlərin həllinə yönəlmiş fəaliyyətlərin təşviq edilməsi məsələlərini əhatə etmişdir.
Gənclərə ekoloji məsələlər, ətraf mühitin mühafizəsi və davamlı inkişaf prinsipləri haqqında məlumat verilən layihə çərçivəsində, iştirakçılar üçün müxtəlif təlimlər, seminarlar, tədbirlər və aksiyalar təşkil edilib.
Təlimdə ekspert qismində Reyhan xanım Məmmədova çıxışları ilə bir sıra maarifləndirici məqamlara toxunub. Təlimin sonunda iştirakçıları maraqlandıran mövzular ətrafında müzakirələr aparılıb.
Həmçinin layihə rəhbəri Vüsalə Hümbətli öz çıxışında “Bu layihə, gəncləri ekoloji məsələlərə cəlb etmək və onların aktiv iştirakını təmin etmək məqsədini güdür. Gənclərin ekoloji biliklərini artıraraq, gələcəkdə təbiətə daha məsuliyyətli yanaşmalarını təşviq etməyi planlaşdırır,”( və ya ekoloji maarifləndirməni artırmaq və gənclərimizi ekoloji problemlərə daha çox cəlb etmək üçün bu layihənin həyata keçirilməsi mühüm bir addımdır.)– deyə bildirib.
Tədbirin növbəti mərhələsində gənc iştirakçılar ilə birlikdə təbiətə atılmış tullantılardan çirklənməyə məruz qalmış ekoturizm yerlərinin təmizlənməsi işi təşkil edilib.
İki gün baş tutan layihə çərçivəsində bir sıra ekoloji tədbirlər, təlimlər və yerli icmalarla əməkdaşlıq təşkil edilib. İştirakçılar, ekoloji problemlərin həllinə yönəlmiş layihədə yer alaraq, öz bilik və bacarıqlarını artırma imkanına sahib olublar
