Qəbələ Dövlət Peşə Təhsil Mərkəzində “Açiq qapı” günü keçirilmişdir. 14 may 2018-ci il tarixdə Qəbələ Dövlət Peşə Təhsil Mərkəzində Qəbələ şəhərində yerləşən ümumtəhsil məktəblərinin IX – XI sinif şagirdlərinin iştirakı ilə “Açıq qapı” günü keçirilmişdir. Tədbirdə məktəblərdən 100 nəfər şagird və müəllim iştirak edirdi.
6 may 2018-ci il tarixdə Təhsil Mərkəzində əmək yarmarkası keçirildi. Yarmarkada müxtəlif sahələr üzrə iş yerləri təklif olundu.
Təhsil Mərkəzinin peşəyönümü işlərinin illik planına uyğun olaraq, peşəyönümü üzrə təbliğat işlərinin aparılması, gənclərin peşəyə istiqamətləndirilməsi üçün direktorun əmri ilə müəllim və istehsalat təlimi ustalarından ibarət təbliğat qrupları yaradılmışır.
Qəbələ Dövlət Peşə Təhsil Mərkəzinin müəllim və şagirdləri alman mütəxəssislərinin təşkil etdiyi “Təlimçilərin təlimi”ndə iştirak ediblər 16 mart tarixində İsmayıllı rayonunda Təhsil Nazirliyi yanında Peşə Təhsil üzrə Dövlət Agentliyinin Almaniyanın kənd təsərrüfatı texnikası istehsalçısı olan “CLAAS” şirkəti ilə “Kənd təsərrüfatı Texnologiyası və İdarəetmə Təşəbbüsü - Azərbaycan” layihəsi çərçivəsində əldə etdiyi razılaşmaya əsasən 3-cü təlim keçirilib.
30 mart 2018-ci il tarixdə Qəbələ Dövlət Peşə Təhsili Mərkəzində 31 mart Azərbaycanlıların Soyqırımı Gününə həsr olunmuş tədbir keçirilmişdir. Tədbirdə Mərkəzin şagird- müəllim heyəti ilə bərabər Qəbələ rayon Qızıl Aypara Bölməsinin sədri Sədaqət Bayramova və şəhər 2 saylı orta məktəbin müəllimi Nəzakət Neman da iştirak etmişlər.
Qəbələ Dövlət Peşə Təhsil Mərkəzi, Avropa İttifaqı tərəfindən maliyyələşən “Qəbələ, İsmayıllı və Qax rayonlarının kənd təsərrüfatı və turizm sahəsində Dual Peşə Təhsil və Təlim pilotların yaradılması” (ED VET) qrant layihəsi çərçivəsində 3 may tarixində Qəbələ Rayon İcra Hakimiyyəti ilə birlikdə özəl sektoru və orta məktəb direktorları, həmçinin Qəbələ Rayon Məşğulluq Mərkəzini və digər regional maraqlı tərəfləri gələcək 2018-2019-ci tədris ili barədə məlumatlandırmaq, pilot ED VET layihəsini təqdim etmək, və özəl sektorun yeni təlim proqramları çərçivəsində rolu haqqında məlumatlılığını artırmaq məqsədilə təşviqat tədbiri təşkil edilmişdir.
26 fevral tarixdə Qəbələ Dövlət Peşə Təhsil Mərkəzində "Xocalı faciəsi"nə həsr olunmuş "Unutmadıq, unutmarıq" adlı tədbir keçirilmişdir. Xocalı şəhidlərinin ruhu bir dəqiqəlik sükutla yad edildi. Sonra tədbir şagirdlərin hazırladığı kompozisiya ilə davam etdi.
07 mart 2018-cil tarixində Qəbələ Peşə təhsil mərkəzində “ 8 mart qadınlar günü ” və qızların peşə yönümü işlərinə həsr olunmuş tədbir keçirildi. Tədbirdə məktəbin müəllim kollektivi və şagirdlər iştirak edirdi.
"Region Gəncləri üçün Sahibkarlıq Təlimləri" layihəsi çərçivəsində keçirilmiş Biznes yarışının məntiqi yekunu olaraq, 12.03.2018-ci il tarixində saat 12:00-da Bakı şəhərində qaliblərin mükafatlandırılması və xüsusi sertifikatların təqdim edilməsi tədbiri keçirilmişdir
“Zəka” bilik yarışı 13 mart 2018-ci il tarixində Mərkəzimizdə şagirdlərin intellektual səviyyəsini yoxlamaq məqsədilə “Zəka” bilik müsabiqəsi keçirildi. Yarışmada Azərbaycanın tarixi, Qəbələmizin keçmişi, müasir dövrümüzdə baş verən proseslər, həmçinin Qəbələ Peşə Məktəbinə aid suallar səsləndirildi.