İfa üzrə zona müsabiqəsi keçirilmişdir
İlk peşə-ixtisas təhsili müəssisələrinin şagird və tələbələri arasında respublika üzrə ifa müsabiqəsinin keçirilməsi barədə Təhsil Nazirliyinin əmrinə əsasən. Qəbələ Peşə məktəbinin şagirdləri arasında 10 fevral 2016-cı il tarixdə məktəbdaxili ifa müsabiqəsi keçirilmişdir.
Müsabiqənin nəticələrinə görə məktəbin I kurs “Dərzi” peşəsi üzrə 281 №-li qrupun şagirdləri Məmmədrzayeva Məleykə Fəhrad qızı mahnı nominasiyası üzrə 1-ci yeri, Məmmədrzayeva Əfsanə Fəhrad qızı şeir nominasiyası üzrə 1-ci yeri və oğlanlardan ibarət (4 nəfər) qrup isə rəqs nominasiyası üzrə 1-ci yerə çıxmışlar və zona müsabiqəsində iştirak etmək hüququ qazanmışlar.
16 mart 2016-cı il tarixdə Qəbələ Turizm və Otelçilik üzrə Peşə-Tədris Mərkəzində keçirilmiş zona müsabiqəsində məktəbimizin şagirdləri Məmmədrzayeva Məleykə mahnı nominasiyası üzrə 1- yerə, oğlanlardan ibarət rəqs qrupu ( Vaqifli Vaqif, Rüstəmli Orxan, Yaqublu Elcan, Rəşidov Heydər) 2-ci yerə çıxmışlar.
Zona müsabiqəsində 1-ci yeri qazanmış Məmmədrzayeva Məleykə 25 aprel 2016-cı il atrixdə Bakı şəhərində keçiriləcək Respublika müsabiqəsində iştirak edəcəkdir.