07 mart 2018-cil tarixində Qəbələ Dövlət Peşə Təhsil Mərkəzində “ 8 mart qadınlar günü ” və qızların peşə yönümü işlərinə həsr olunmuş tədbir keçirildi. Tədbirdə məktəbin müəllim kollektivi və şagirdlər iştirak edirdi.
Tədbiri məktəbin direktoru Azad Məmmədov açaraq qadın müəllimələri və şagirdləri bayram münasibəti ilə təbrik etdi və bildirdi ki, ölkəmizdə qızların təhsil alması üçün dövlətimiz tərəfindən lazımi şərait yaradılmışdır.
Daha sonra tədris – istehsalat işləri üzrə direktor müavini Camal Rəsulov çıxış edərək Azərbaycanda qadınların seçki hüquqndan danışaraq bildirdi ki, şərqdə ilk dəfə seçki hüququ Azərbaycan qadınlarına verilmişdir. Məktəbimizdə hal – hazırda 71 nəfər qız təhsil alır və gələcəkdə də qızların peşə təhsilinə cəlb olunması üçün işlər aparılacaqdır.
Məktəbin psixoloqu Zenfilə Hüseynova və şagirdlər qadınlara öz təbriklərini çatdırdılar.
Tədbirin sonunda məktəbdə təşkil olunmuş “Bacarıqlı əllər” müsaqibəsinin qalibləri fəxri fərmanlarla təltif edildi. Müsabiqədə ”Geyim üzrə dizayner” ixtisası üzrə İsmayılova Aişə Kamran qızı və “Xalçaçı” peşəsi üzrə Salahova Elnarə Ağarəhim qızı xüsusi olaraq seçildi.
Rəsmi hissə başa çatdıqdan sonra tədbir iştırakçıları məktəbin bufetində hazırlanmış çay süfrəsinə dəvət edildi və bayram şənliyi davam etdi.
