Qəbələ Dövlət Peşə Təhsil Mərkəzində
modul tipli təhsil proqramları ilə təhsil alan şagirdlərin
istehsalat təcrübəsi başlandı
2016-2017-ci tədris ilindən başlayaraq məktəbimizdə tətbiq edilən modul tipli təhsil proqramları üzrə tədrisi aparılan “Aqroservis mütəxəssisi”, “Bitkiçilik mütəxəssisi” və “Heyvandarlıq mütəxəssisi” ixtisas qruplarında nəzəri və istehsalat təlimi başa çatmış modullar üzrə istehsalat təcrübəsi başlanmışdır. İstehsalat təcrübəsinin təşkili üçün rayonumuzda fəaliyyət göstərən ən böyük kənd təsərrüfatı ilə məşğul olan müəssisələr: “Gilan Dairy Farms MMC südçülük ferması”, “Gilan Qəbələ Aqrotexservis”, “Gilan Dairy Farms MMC əkinçilik – toxumçuluq”, “Aqro Kompleks Qəbələ MMC ətlik – südlük heyvandarlıq kompleksi” müəssisələri və kəndlərdə fəaliyyət göstərən digər kiçik təsərrüfatlarla müqavilələr bağlanmışdır. Şagirdlərimiz həmin müəssisələrdə iş yerləri üzrə bölünmüş, müəssisələr və məktəb tərəfindən təcrübəyə rəhbərlik üçün kuratorlar təyin edilmişdir.
