Abşeron Binə Peşə Liseyinin bir qrup müəllim və tələbə heyəti Qəbələ Dövlət Peşə Təhsil Mərkəzinə infotur edib.

Abşeron Binə Peşə Liseyinin bir qrup müəllim və tələbə heyəti Qəbələ Dövlət Peşə Təhsil Mərkəzinə səfər çərçivəsində Mərkəzin infrastrukturu ilə yaxından tanış olmuş, tələbələrin əl işlərindən ibarət sərgiyə baxış keçirmişlər.

Qəbələ Dövlət Peşə Təhsil Mərkəzinin direktoru Qalib Nəbiyev qonaqlara mərkəzin fəaliyyəti, tədris prosesi və əmək bazarının tələblərinə uyğunlaşan təhsil modelləri barədə ətraflı məlumat vermişdir. Direktor xüsusilə dual təhsil modeli çərçivəsində tələbələrin həm nəzəri, həm də praktiki biliklər qazandığını, işə götürən müəssisələrlə əməkdaşlığın gücləndirildiyini vurğulamışdır. O, Mərkəzin tədris prosesində işəgötürənlərin fəal iştirakının təmin edildiyini, tələbələrin peşə bacarıqlarını real iş mühitində inkişaf etdirməsinə xüsusi önəm verildiyini bildirmişdir.

Qonaqlar həmçinin Mərkəzin müasir tədris infrastrukturu, maddi-texniki baza imkanları və təhsil pillələri ilə yaxından tanış olmuş, peşə təhsilində innovativ yanaşmalar və tələbələrə yaradılan şərait barədə geniş məlumat əldə etmişlər.

https://www.facebook.com/share/p/1Got1PjcCD/

https://www.instagram.com/p/DDzat0eswBQ/?img_index=1